POP 5

Lajmet më të lexuara të 5 minutave të fundit

Tirana

Aplikimi online për rindërtimin, si aplikojnë emigrantët dhe familjet me dy kurora

28 shkurti është afati i fundit për të aplikuar online për të përfituar nga programi i rindërtimit, ndërsa sportelet do të jenë të hapura edhe të shtunën dhe të dielën. Kryebashkiaku Erion Veliaj sqaroi si të aplikojnë familjet me dy kurora brenda dhe emigrantët.

28 shkurti është afati i fundit për të aplikuar online për të përfituar nga programi i rindërtimit, ndërsa sportelet do të jenë të hapura edhe të shtunën dhe të dielën. Kryebashkiaku Erion Veliaj gjatë inspektimit të punës në njësinë nr.8 tha se në apartamente ku ishin dy kurore brenda duhet të aplikojnë të dyja për rindërtimin dhe të bëjnë deklarimet e tyre në mënyrë që të respektohen si dy familje të ndryshme gjatë dëmshpërblimin apo rindërtimi të banesës. Gjithashtu Veliaj sqaroi se emigrantët mund të aplikojnë përmes një përfaqësuesi ligjor ose familjar, për të cilin kanë lëshuar një prokurë përfaqësimi për të kryer veprime në llogari të tyre.

“Çdo apartament duhet të bëjë aplikimin e vet sepse kur janë dëme që do jepen me dëmshpërblim, pagesë në dorë, atëherë secila familje do të marrë fondin e vet me të cilin do bëjë rregullimet. Nuk mjafton vetëm një aplikim për shkallë, por duhet secili apartament të jetë i deklaruar dhe të bëjë një kërkesë për rimbursim. Në qoftë se 26 nëntori ju kapi dy kurora në një shtëpi, të dy kurorat duhet të bëjnë një deklarim dhe pastaj do të respektohen si dy familje të ndryshme”, tha Veliaj.

Veliaj apeloi që ky proces i rëndësishëm të mos lihet për në momentin e fundit sepse afti mbaron më 28 shkurt. “Ju lutem bëni aplikimin, kushton vetëm 5 minuta! Do merrni një faturë, statusi i të cilës mund të ndiqet edhe në internet përmes një bar-kodi, dhe më pas të kemi një mundësi të shkëlqyer që, aty ku është për të dhënë dëmshpërblim, të japim dëmshpërblimin, aty ku është për të bërë rindërtim, të bëjmë rindërtimin".

Kryebashkiaku iu drejtua me një mesazh edhe atyre familjeve që jetojnë në zonat rurale, ku kërkoi prej tyre që fillimisht të plotësojnë formularin për të deklaruar dëmin dhe në një fazë të dytë të vendosin nëse do të duan të zhvendosen në lagjet e reja.

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Shenjat që kanë më shumë gjasa të fillojnë një zënkë në tryezën e festave

Shenjat që kanë më shumë gjasa të fillojnë një zënkë në tryezën e festave

27 Dhjetor, 22:58