Apple njeh zyrtarisht territorin e Kosovës

Nisma “Put Kosovo on Apple Maps” ,duket se më në fund ka dhënë rezultatet e pritura, pasi me sistemin e ri operues territori i Kosovës paraqitet në hartë.

Në krahasim me softuerët e kaluar, me sistemin iOS15 tek iPhone kufijtë e Kosovës shënohen me vijë të plotë e jo të ndërprerë, siç ishte deri ditën e djeshme.

Sistemi iOS15 është lëshuar në të njëjtën kohë me telefonin e ri, iPhone 13 dhe është një sistem të cilin të gjithë telefonat që iPhone 6s mund ta shkarkojnë.

 Vitin e kaluar 197 mijë e 175 persona kanë nënshkruar peticionin “Put Kosovo on Apple Maps” dhe nismës në atë kohë iu bashkuan edhe artistët më të famshëm në arenën ndërkombëtare, si Dua Lipa, Rita Ora dhe Bebe Rexha.

S.M./Shqiptarja.com
  • Sondazhi i ditës:

    Ju duket e drejtë që studentët e pavaksinuar të humbasin vitin akademik?

Komento


×

Lajmi i fundit

John

Vaksina e gripit dhe ajo e COVID mund të bëhen në një kohë, mjekja: Grupet e riskut duhet ta kryejnë vaksinën e gripit