Arabia Saudite, gratë e mbuluara
dinë si të sfidojnë ligjet/ VD

Hiti i momentit në Arabinë Saudite titullohet “Hwages” e cila përkthehet dhe simbolizon barrierat.

Tri gratë e mbuluara protagoniste në video, këndojnë ,kërcejnë dhe bëjnë çdo veprim të mundshëm çka ligji dhe kultura lokale ia ndalon, drejtojnë makinën, vishen me ngjyra, luajnë basket apo bowl. 

Dhe e gjithë kjo skenë  bëhet në sytë  e pakënaqur të dy burrave të mërzitur që nuk u pëlqen aspak kjo pamje.Nuk mungon edhe mesazhi i qartë për pikëpamjet islamofobe në botë sidomos të propaganduara nga presidenti Trump i cili edhe në video është subjekt i kartonizuar.

Kjo video synon t'i hapë rrugë emancipimit të grave duke thyer shumë barriera. 

Dhe sigurisht video ka marrë shumë klikime duke u shndërruar në një hit dhe pse jo sfidë për autoritetet e parë si një provokim.

Në mbretërinë e Arabisë Saudite figura e burrit është dominuese dhe nën tutelën e tij, pa lejen e babait, vëllait apo të një të afërmi asnjë vajzë nuk mund  të dalë apo të jetë e pavaraur në çdo aspekt.

Dhe familjet tardicionale i ruajnë me fanatizëm këto rregulla dhe ligje duke e lënë vajzën nën strofkullën e tyre.

Kjo video është një mënyrë për të thyer barrierat, një mesazh me figurë dhe zë, një zë që duhet dëgjuar për t’i lënë vend emancipimit.

Redaksia Online
e.m/Shqiptarja.com