'Arbitër kamikaz dhe gjykim tendencioz', shpërthen Kukësi: Gaboi në tre raste të pastra (VIDEO)

Një kamikaz me uniformë arbitri e ka cilësuar klubi i Kukësit Juxhin Xhajën, gjyqtarin e ndeshjes me Teutën, të cilën verilindorët e humbën me rezultatin 3-0.

Kukësi ka reaguar ashpër duke bërë fajtor ‘xhaketat e zeza’ jo vetëm për këtë ndeshje, por edhe për sfidat e kaluara. Ata e cilësojnë gjykimin si skandaloz, ndërsa pretendojnë se tashmë po bëhet qëllimisht për të dëmtuar verilindorët.

Në përballjen me Teutën, ku morën humbjen e tretë brenda katër ndeshjeve, Kukësi pretendon që arbitri Juxhin Xhaja të ketë gabuar të paktën 3 herë.

Fillimisht bëhet fjalë për një prekje të topit me dorë, që sipas verilindorëve është penallti e pastër. Ky episod ka ndodhur në një moment kur ndeshja ishte ende 0-0. Rasti i dytë është një ndërhyrje në zonë nga mbrapa ndaj sulmuesit Eze, që sërisht sipas Kukësit është një penallti e mohuar. Verilindorët kanë pretendime edhe te goli i dytë i shënuar nga Teuta, që sipas tyre është pozicion jashtë loje.

Si pasojë e këtyre rezultateve, një javë më parë Kukësi dhe trajneri Gega prishën bashkpunimin, ndërsa ekipi aktualisht renditet në vendin e pestë në renditje.

Ne.k./b.ha./Shqiptarja.com
  • Sondazhi i ditës:

    Vaksinë ose test negativ për të hyrë në Universitete, a ju duket e drejtë?

Komento


×

Lajmi i fundit

John

Apartamenti përfshihet nga flakët në Astir, nënë e bir hidhen nga kati i tretë për t’u shpëtuar flakëve! Vdes 62-vjeçarja, në spital djali i saj (EMRAT)