Argjentinë, përfundon operacioni
kërkim-shpëtimi i nëndetëses

Flota argjentinase ka thënë se ka braktisur përpjekjet për të shpëtuar 44 anëtarë të ekuipazhit në bordin e nëndetëses që u zhduk dy javë më parë.

"Pavarësisht nga përpjekjet e bëra, nuk ka qenë e mundur gjetja e nëndetëses", tha zëdhënësi i marinës Enrique Balbi.

Shpresat për gjetjen e antëravë të ekuipazhit të mbijetuar u zbehën pasi u raportua një shpërthim pranë vendndodhjes së fundit të nëndetëses.

Zëdhënësi marinës tha se kërkimi për nëndetëse ishte shtrirë në më shumë se dyfishin e ditëve që përcaktojnë mundësitë e shpëtimit të ekuipazhit, por shtoi se ekipet do të vazhdonin të kërkonin anijen në shtratin e detit.

Sipas zëdhënësit kërkimet do të vijojnë vetëm në zonën ku ka ndodhur shpërthimi.

Redaksia Online
a.dr/shqiptarja.com