Ish-trajneri i Seviljas në konferencën për shtyp ka deklaruar: “Për mua të jem trajner i Argjentinës është një ëndërr. E kisha këtë dëshirë dhe e realizova. Tani duhet të ndërtojmë një skuadër të denjë për historinë e futbolli argjentinas dhe iu them se kam më shumë se 100 futbollistë në vëzhgim. Kemi shumë vështirësi për tu kualifikuar në Botërorin e Rusisë por do t’i shfrytëzojmë mundësitë që kemi. Kjo skuadër përfaqëson 40 milionë argjentinas”, ka thënë Sampaoli që ka pasur një karrierë të suksesshme edhe në drejtimin e Kilit.
Trajneri i ri ka dy fjalë edhe për yllin e skuadrës Leo Messi: “Jam përballur shumë herë me Messin dhe duam që lojtari më i mirë në botë të jetë i lumtur edhe në Kombëtare”, e mbyll Sampaoli.
Redaksia Online
Al.N/Shqiptarja.com