POP 5

Lajmet më të lexuara të 5 minutave të fundit

Kultura

Arkitektura emblematike e Spanjës përmes fotografive! Arkitekti Santonja “sjell” në Tiranë Spanjën bashkëkohore

Ndërtesa nga më të njohurat në Spanjë sa i përket arkitekturës së tyre, të ndërtuara në fund të shekullit XX dhe në fillim të shekullit XXI vijnë përmes fotografive në ekspozitën “Arkitektura emblematike në Spanjën Bashkëkohore”.

Një seri fotografish të realizuara nga arkitekti Ricardo Santonja rrëfejnë evolucionin e një Spanje bashkëkohore, e cila në fund të shekullit të 20-të dhe në fillim të shekullit të 21-të ofron vizionin e një vendi që ende po avancon.

“Arkitektura i çon përpara vendet. Shihet dëshira e njerëzve për të përparuar nëpërmjet arkitekturës. Përmes këtyre arkitekturave do të shikoni se si Spanja kë kaluar përmes një tranzicioni dhe ka arritur përmes demokracisë një arkitekturë të vlerësuar në të gjithë botën.”, - shprehet fotografi dhe studiuesi Santonja.

Fotografitë u ekzpozuan për publikun në galerinë FAB, duke shënuar hapjen e Javës Kulturore Spanjolle në Tiranë.

Për ambasadorin e Spanjës në Shqipëri, Alvaro Renedo Zalba, çelja e ekspozitës “Arkitektura emblematike në Spanjën Bashkëkohore” është e rëndësishme edhe për shkëmbimet mes dy vendeve, në një kohë që sipas tij “Tirana po jeton një moment magjepsës nga pikëpamja arkitektonike.”

Fotografia si një mjet për komunikimin e punës njerëzore dhe e trajtuar si një art plastik nga fotografi dhe studiuesi Ricardo Santonja tregon një mënyrë të re të të kuptuarit të territorit spanjoll me ndërtesa emblematike dhe njëkohësisht një arkitekturë publike e private cilësore.

 

B.G/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

2 Nëntor, 17:15