POP 5

Lajmet më të lexuara të 5 minutave të fundit

Kosova & Rajoni

Arma që mbron Ukrainën nga sulmet ruse po kërkohet edhe nga Serbia!  Vuçiç i kërkon Erdogan dronët e famshëm ‘Bayraktar’! Kosova do i marrë nga një tjetër shtet

Dronët turq “Bayraktar” u bënë të njohur nga lufta në Ukrainë ku autoritetet u mbrojtën nga bombardimet ruse, po kërkohen edhe nga Serbia. 

Arma që mbron Ukrainën nga sulmet ruse po kërkohet edhe nga Serbia!  Vuçiç i kërkon Erdogan dronët e famshëm ‘Bayraktar’! Kosova do i marrë nga një tjetër shtet

Dronët turq “Bayraktar” u bënë të njohur nga lufta në Ukrainë ku autoritetet u mbrojtën nga bombardimet ruse, po kërkohen edhe nga Serbia.  Vuçiç po konsiderohet nga Erdogani si konsumator i veçantë kur bie fjala për dronët “Bayraktar”.  

Sipas mediave turke presidenti serb, Aleksandar Vuçiç ka folur vetë me Erdogan, i cili e ka miratuar në parim kërkesën.

“Dy ditë më parë, gjatë takimit me presidentin e Turqisë, Erdogan, kam shprehur interesimin për të blerë Bayraktarët nga Turqia dhe Erdogan më ka premtuar se ne do t’i marrim ato. Do t’i kemi edhe këto armë në inventarin e Ushtrisë Serbe”, ka thënë Vuçiç.

Sipas mediave turke, dronët “Bayraktar” i janë shitur të paktën 22 shteteve në botë.  

Dronët i do edhe Kosova, por synon t’i marrë diku tjetër. Në shkurt, Presidentja Vjosa Osmani e kishte vizituar fabrikën për prodhimin e këtyre dronëve në Stamboll.Por, gjatë vizitës në Shtetet e Bashkuara në tetor të vitit të kaluar, Ministri i Mbrojtjes, Armend Mehaj kishte marrë mbështetje nga SHBA-ja për krijimin e kapaciteteve ushtarake që i nevojiten FSK-së. Ndër tjerash, ai e pati përmendur edhe blerjen e dronëve nga Amerika.

“Po kemi diskutuar, këto janë në proces, jo vetëm dronat por edhe blerje të tjera. Jemi në koordinim e sipër për mënyrën se si do të funksionalizohen”, kishte thënë ai.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të miratohet ligji për amnistinë fiskale deri në 2 milionë euro?

Lajme të tjera



×

Lajmi i fundit

John

Lufta në Ukrainë/ Mesazhi i Zelensky për Bjellorusinë: Mos e përkrahni Putin! Bombardime në Odesa

27 Qershor, 07:10