Armani dhe Prada i bashkohen ‘luftës’ me COVID-19, shndërrohen në qendra vaksinimi në Itali! Së shpejti i bashkohet edhe Gucci

Armani dhe Prada i bashkohen ‘luftës’ me COVID-19, shndërrohen në qendra vaksinimi në Itali! Së shpejti i bashkohet edhe Gucci

Foto ilustruese

ITALI- Armani dhe Prada, do të transformojnë teatret e shfaqjeve të tyre të modës në qendra vaksinimi, për të ndihmuar sado pak në “luftën” me COVID-19.

Armani, do të zhvillojë vaksinimin në Milano, të Italisë, në teatrin ku gjithmonë janë mbajtur shfaqje mode, ndërsa këtë herë do të mbushet me njerëz në pritje për të marrë dozën e vaksinës kundër COVID-19.

Sipas mediave të huaja, kjo është një iniciativë e cila mbështetet “fuqishëm” nga Giorgio Armani.

Shefi ekzekutiv i Prada, Patrizio Bertelli, tha se edhe kompania e tyre siç ka bërë edhe në të kaluarën do të ndihmojë në mposhtjen e pandemisë, duke shndërruar hapësirat e Prada në qendra vaksinimi.

Mënyra e zhvillimit të procesit të vaksinimit do të bëhet publik në ditët në vazhdim.

Gucci gjithashtu ka lajmëruar se sapo kërkesa e saj të aprovohet, do të behet pjesë e kësaj përpjekjeje, për të lehtësuar peshën e sistemit shëndetësor në Itali.

Kjo iniciativë ka ardhur pas procesit të ngadaltë të vaksinimit në vend, duke bërë që edhe “shtëpitë” e mëdha të modës të japin kontributin e tyre në ketë “luftë” masive me COVID-19.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

S’ka treg, fermerët hedhin kastravecët në kanal: Shteti të kontrollojë pikat e grumbullimit! Report Tv vëzhgim në serat e Lushnjës, Dimalit e Beratit

S’ka treg, fermerët hedhin kastravecët në kanal: Shteti të kontrollojë pikat e grumbullimit! Report Tv vëzhgim në serat e Lushnjës, Dimalit e Beratit