POP 5

Lajmet më të lexuara të 5 minutave të fundit

Bota

Armeni, lideri i opozitës, Pachinian kandidat zyrtar për kryeministër

Lideri i opozitës armene, Nikol Pachinian u emërua zyrtarisht sot nga koalicioni i tij ”Yelk” kandidat për postin e kryeministrit, para një procesi vendimtar votimi për të ardhmen e kësaj ish-Republike sovjetike të Kaukazit.
Armeni, lideri i opozitës, Pachinian kandidat zyrtar për kryeministër

Lideri i opozitës armene, Nikol Pachinian

Lideri i opozitës armene, Nikol Pachinian u emërua zyrtarisht sot nga koalicioni i tij ”Yelk” kandidat për postin e kryeministrit, para një procesi vendimtar votimi për të ardhmen e kësaj ish-Republike sovjetike të Kaukazit. Prej 13 prillit, Armenia është zhytur në një krizë të paprecedentë politike.

Protestat masive shkaktuan më 23 prill dorëheqjen e Serge Sarkissian, i sapozgjedhur në postin e kryeministrit, gjashtë ditë më parë nga ana e deputetëve, pasi mbajti postin e kreut të shtetit për 10 vite. I thirrur në seancë të jashtëzakonshme, Parlamenti armen pritet të emërojë nesër një pasardhës për të udhëhequr qeverinë.

Pachinian njoftoi në prani të gazetarëve emërimin e tij nga koalicioni ”Yelk” ndërsa ai ndodhej në parlament, i angazhuar në konsultime me të gjitha forcat politike.

Detyra jonë është zgjidhja e krizës politike të vendit.

Nikol Pachinian

Në krye të lëvizjes së protestës, Pachinian është i vetmi kandidat për të pasuar funksionin e Sarkissian. Ai mund të mbështetet në nëntë votat e koalicionit ”Yelk”, pasi mori të shtunën mbështetjen e partisë ”Armenia e begatë” (31 vende në Parlament) dhe të partisë ”Federata revolucionare armene” (shtatë vende), ose një numër të përgjithshëm prej 47 vendesh.

Për t’u zgjedhur, Pachinian duhet të marrë votën e 53 nga 105 deputetë dhe do t’i nevojiten disa vota të partisë republikane në pushtet , e cila zotëron 58 vende dhe ka shumicën absolute në Parlament. Partia e Sarkissian njoftoi se nuk do të paraqeste kandidatë dhe se priste për të njohur emrin e të gjithë kandidatëve për të ndaluar emërimin e tij./ata/

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Kreu i OBSH-së i shpëton sulmeve të Izraelit në Jemen, ndodhej në aeroportin e Sanas gjatë bombardimit! 2 të vdekur dhe disa të plagosur

Kreu i OBSH-së i shpëton sulmeve të Izraelit në Jemen, ndodhej në aeroportin e Sanas gjatë bombardimit! 2 të vdekur dhe disa të plagosur

26 Dhjetor, 18:31