Armëpushimi, arrihet marrëveshja
përfundimtare Rusi-Ukrainë

Rusia dhe Ukraina kanë arritur marrëveshje për armëpushimin.  Agjencia ruse lajme  Interfax  e cila citon burime të afërta të saj shkruan se përfaqësuesit e Ukrainës dhe të rebelëve pro-rusë kanë nënshkruar marrëveshje për armëpushim, e cila do të hyjë në fuqi sot në orën 17:00.

Protokolli ka 14 pika që përfshijnë të gjitha aspektet e monitorimit, shkëmbimet e të burgosurve dhe çështje të tjera. Palët janë takuar në Minsk të Bjellorusisë, me ndërmjetësimin e OSBE-së.
AFP citon kryeministrin e Ukrainës, Arseniy Yatsenyuk, të ketë thënë se armëpushimi duhet të ketë mbështetjen e Bashkimit Evropian dhe të Shteteve të Bashkuara për të funksionuar.
 
Në një tjetër zhvillim , Sekretari i përgjithshëm i NATO-s, Anders Fogh Rasmussen, ka thënë se liderët e aleancës kanë miratuar një përgjigje të shpejtë, për të trajtuar kërcënimin e agresionit rus.

Rasmussen i ka bërë këto deklarata gjatë samitit dyditor të NATO-s në Uells, i cili është dominuar nga kriza në Ukrainë. NATO-ja ka akuzuar Rusinë se ka dërguar mijëra trupa dhe tanke në territorin e Ukrainës, akuza që hidhen poshtë nga Moska. 



Redaksia Online
(g.f/shqiptarja.com)

TAG:
• OSBE