Armiku i Putin dënohet me 9 vite burg! Lideri i opozitës ruse Navalny u akuzua për mashtrim dhe fyerje të gjykatës

Lideri i opozitës ruse Alexei Navalny është dënuar me 9 vite burg për mashtrim, ndërsa dënimin do ta kryejë në një burg të sigurisë së lartë.

Vendimin e marrë ndaj udhëheqësit të opozitës ruse, kritikët e Kremlinit e shohin si një përpjekje për të mbajtur në burg armikun më të zjarrtë të Presidentit Vladimir Putin. U vendos gjithashtu se Navalny do të duhej të paguante një gjobë prej 1.2 milionë rubla (rreth 11,500 dollarë), ndërkohë ai ka të drejtën e apelimit të këtij vendimi. 

Navalny, tashmë po vuan 2 vjet e gjysmë në një burg, në lindje të Moskës, pasi ai ishte akuzuar për përvetësim të parave që ai dhe fondacioni i tij grumbulluan gjatë viteve dhe për fyerje të një gjyqtari gjatë një gjyqi të mëparshëm.

Politikani i ka hedhur poshtë akuzat si të motivuara politikisht.  Prokuroria kishte kërkuar 13 vjet burg të sigurisë maksimale për kryetari dhe një gjobë prej 1.2 milionë rubla.  

TAG:
• Rusi
• Alexei Navalny