Arrestimet, hiqet imuniteti i
gjyqtarëve, mbrohen deputetët

Gjyqtarët zhvishen nga imuniteti për arrestimin dhe kontrollin e banesave, por me një standard tjetër do të operohet për kontrollin e shtëpive dhe arrestimin e deputetëve.

Beteja epike politike, e cila përfundoi me një vendim të Parlamentit për kufizimin e imunitetit të deputetëve në vitin 2012, rezulton një farsë. Pavarësisht ndryshimeve kushtetuese katër vite më parë, Prokuroria e Posaçme nuk mund të arrestojë apo të kontrollojë banesën një deputeti pa autorizimin e Kuvendit. Edhe në kushtet e flagrancës, deputetët nuk mund të arrestohen për një krim të lehtë, por vetëm nëse konsumon një krim të rëndë.