Arrestimet, shqiptarët e Bujanovcit:
Të ndërhyjnë ndërkombëtarët

BUJANOC-Qytetarët shqiptarë të 3 komunave në Luginën e Preshevës kanë protestuar sot kundër arrestimit të 8 shqiptarëvë nga policia serbe. Pas apelit tek autoritetet e Beogradit që të ndalin politikën diskriminuese dhe antishiptare, kanë kërkuar njëkohësisht edhe ndërhyrjen ndërkombëtare në Luginë si masë për pengimin e përshkallëzimit të situatës në rajon.

“Bujanocin do ta ruajmë”, “Bujanoci është Kosovë Lindore”, “Liri shqiptarëve të Luginës”, “Poshtë regjimi i pasardhësve të Milloshevicit”…, këto ishin vetëm disa afishe dhe brohoritje që u dëgjuan e u panë në protestën e sotme gjithpopullore në sheshin “Skenderbe” të Bujanocit.
Ndërsa, kryetari Komunës së Buajncoit Shaip Kamberi në vazhdim ju drejtua masës së tubuar në sheshin “Skendere” duke pohuar se “Ivica Dacic dje përdori gjithçka pasi arrestoi edhe qytetare qe janë ne liste për këshilltarë, prandaj nga këtu u themi se të gjithë jemi terroristë dhe le të vije e të na arrestojë të gjithëve , nëse mundet..”.

Kamberi ka pohuar se do të njoftojë OSBE-në, OKB-në, BE-në dhe organizmat tjera në Bruksel e Gjenevë për ndërhyrje ndërkombëtare në Luginë si masë për parandalimin e dhunës serbe dhe pengimit të përshkallëzimit të situatës në rajon.

Ndërkaq në seancën e jashtëzakonshme të tri kuvendeve shqiptare të Preshevës, Bujanocit dhe Medvegjës, pjesëmarrësit kanë pohuar se aksioni i djeshëm i xhandarmërisë serbe ka shkelur procedurat edhe normat ligjore, me qëllim të krijimit të frikës dhe konfuzionit në mesin e popullatës shqiptare.
Kuvendi konsideron se praktikat e tilla janë në shërbim të politikave ditore të shtetit, që dëshmojnë mungesën e vullnetit politik dhe për t’u ballafaquar me të kaluarën e errët serbe.

Duke kërkuar nga popullata shqiptare gjakftohtësi dhe maturi, Kuvendi ftoi qytetarët që t’i përgjigjen në mënyrë masive zgjedhjeve te 6 majit.
(jd/shqiptarja.com)

TAG:
• OSBE