Arrestimi i Fred Belerit, justifikimi i Berishës: Hakmarrje politike e Ramës, s’na pengojnë për fitoren! Kreu i policisë së Vlorës ish bashkëpunëtor i Shullazit

 

Ish kryeministri, Sali Berisha është shprehur se arrestimi i kandidatit të tyre në Himarë, Fredi Beleri është një hakmarrje e verbër politike e Ramës.

“Është një veprim i verbër. Hakmarrje e verbër politike e Edi Ramës. Me manipulim, me angazhim të një manipulatori dhe të një ish bashkëpunëtori të bandave që drejton sot Vlorën. Kreu i policisë së Vlorës ka qenë një bashkëpunëtor me bandën e Shullazit dhe të tjerat dhe unë dënoj aktin, dhunën ndaj përfaqësuesit të opozitës. Sikundër dënoj shitblerjen e votës kudo që kjo të ketë ndodhur, Duhet të informoj qytetarët shqiptarë, se janë pasionet mafioze, qëllimet mafioze të Ramës ndaj tokave dhe trojeve të Ramës i këtyre akteve që ndodhin në Himarë. Përdorimi i dhunës është një akt in ekstremis për të trembur zgjedhësit. Unë kam qenë në Dropull ku gjeta krim terrori si bashkiake ku qeveritarët u bënin presion që të mos votonin Thanas Manekën por kandidatin e tyre. Këto nukj do pengojnë fitoren e shkëlqyer të opozitës më 14 maj.

LEXO EDHE:
Bie në gropën e ashensorit të pallatit ku jetonte, plagoset efektivi në Sarandë! Niset drejt Tiranës për mjekim

Rama për atë kandidat ka një javë që në të gjitha fjalimet e ka sulmuar, e ka shpëlare  me retorika të padenja. Po të jetë puna për blerje votash, ato kanë tentuar duke dhënë bonuese me pensionistët në kundërshtim me kodin zgjedhor të cilin Rama e konsideron kinezëri.”- tha Berisha.

Lajmi kryesor:

REAGIMET/ Arrestimi i Fredi Belerit, Berisha-Meta: E rrëmbyen pas mesnate, hakmarrje politike e Ramës! Çifti opozitar takim në selinë e PD-së

G.MO/r.k./Shqiptarja.com

TAG:
• Vlore
• zgjedhjet vendore 2023
• BASHKIA HIMARE
• himare
• edi rama
• arrestohet Fredi Beleri