Për ish-ministrin e Jashtëm Aldo Bumçi, çështja e Kosovës si dhe negociatat me Serbinë nuk mund t'i atribuohen Tiranës, Shqipërisë.
I ftuar në emisionin Pa Protokoll mbrëmjen e sotme, ai u shpreh se Kosova ka një shtet të vetë të pavarur dhe duhet t'i bëjë ballë vetë disa sfidave të saj, sigurisht dhe me mbështetje të Shqipërisë.
Ndërkohë për arrestimin e ish-drejtuesve të UÇK-së në bllok është një ngjarje e rëndë për shqiptarët.
"Nuk mund të kërkohet se çfarë ka bërë Tirana. Kosova është një shtet i pavarur i cili ka përfaqësuesit e saj legjitim. Gjendemi përballë një situate të rëndë. Nuk është e papritur akuza, ngritja e kësaj akuze është e rëndë por një person individual mund të përballet vetë. Kur ngrihet në bllok atëherë kjo është shumë e rëndë. Nuk kemi të bëjmë me një drejtësi. Haga ka marrë nën hetim shumë përfaqësues të UÇK-së. U gjykua se duhet ngritur kjo gjykatë speciale. Momentin që ngrihet një akuzë dhe merr përmasa të mëdha, nuk mund të mbrohesh duke u fshehur duke penguar zbardhjen. Gjykata u votua nga parlamenti i Kosovës. Mund të bëheshin shumë hapa politikisht dhe juridikisht që të mos vinim në këtë situatë.
Nuk është e vërtetë që Shqipëia nuk e ka ngritur zërin. Shqipëria në marrëdhënie ndërkombëtare e ka pasur në fokus. Kosova ka qenë çështja e parë dhe e fundit për Shqipërinë pas rrëzimit të komunizmit. Shpërbërja e Jugosllavisë, rreziku i përhapjes së konfliktit në Kosovë dhe që do përfshinte rajonin. Kush mendon se mendon Kosovën, duke i dhënë rolin e parë Tiranës bën një gabim shumë të rëndë, një gabim që e ka bërë Rama. Serbët duan që të marrim ne rol dhe të flasim ne në emër të shqiptarëve të Kosovës. Duan të flasin me Tiranën por nuk mund të marrim rolin e përfaqësuesit. Krimet kanë ndodhur në Kosovë. Në momentin që ke një shtet që ka përfaqësuesit e vetë shtetëror, në negociata me Serbinë ulen përfaqësuesit e Kosovës" - tha Bumçi.
Çështja e arrestimit të ish-krerëve të UÇK-së në Hagë ishte temë e debatit në emisionin Pa Protokoll mbrëmjen e sotme. Për gazetarin Milaim Zeka, nuk duhet të merren për bazë vetëm akuzat e prokurorëve dhe dëshmitë e Serbisë, pasi në të kundërt, të gjithë të akuzuarit do të dënoheshim me 200 vite burg.
Ai deklaroi se prioritet nga Gjykata Speciale duhet të jenë zbardhjet e vrasjeve politike gjatë periudhës së luftës së Kosovës.
"Në kohën kur Bumçi ka qenë diplomat i ka kushtuar vëmendje çështjes së Kosovës. Jo vetëm ai, por çdo ministër i jashtëm i Shqipërisë. Po kthehem pak në kohë ku regjimi komunist në Shqipëri ishte regjimi më i egër në kontinentin europian. Një parti komuniste i zhduki shqiptarëve pronën private por ka qenë i pari njeri që na ka mbështetur neve. Shqipëria gjithmonë e ka mbështetur përmes Ministrisë së Jashtme. Faturën kryesore për formimin e pavarësisë së Kosovës e ka paguar ShBA dhe BE. Çlirimi i Kosovës nuk na erdhi siç u erdhi Kroatëve. Ne e nisëm luftën por lirinë Kosovës ja vuri NATO. Qeveria shqiptare e ka pasur obligim të sqarojë çështjen e shtëpisë së verdhë. Të bazohet tribunali i Hagës në akuzat e prokurorëve dhe të dëshmive që i ka ofruar Serbia kundër Ramush Haradinajt ose kundër të tjerëve, këta njerëz ishin me 200 vjet burg. Unë pres që Gjykata e Hagës të zbardhë vrasjet politike. Ne duhet të dimë kush e ka vrarë Xhemal Mustafën, këshilltar i Ibrahim Rrugovës dhe shumë të tjerë. Të gjitha këto vrasje duhen zbardhur. Unë kam qenë objekt i akuzave të gjykatës speciale por nuk jam trembur pasi nuk kam bërë gjë. Të garantoj që t'i burgosësh të gjithë liderët politikë në Shqipëri dhe Kosovë më keq do bëhet. Sa i përket politikës, ndihem rehat. Më dhimbsen njerëzit që kanë qenë sebeb i lirisë së Kosovës që janë luftëtarët e UÇK-së. Për të tjerat le të flasë gjykata" - tha Zeka.
Lajme të tjera
-
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Shorti i Ligës së Kombeve, Kosova kërkon Ligën B kundër Islandës! Në çerekfinale Itali - Gjermani dhe Holandë - Spanjë
22 Nëntor, 12:21 -
Shqipëria anëtare e SEPA-s, Sejko: Kostoja e pagesave ndërkufitare në euro, 5 herë më e ulët! Kursimi në ekonomi 20 mln euro në vitin e parë
21 Nëntor, 17:50 -
Shqipëria pranohet zyrtarisht në SEPA
21 Nëntor, 16:38 -
Dështimi i Kombëtares, Eduard Prodani në Report TV: FSHF është përgjegjëse, sukseset e ekipit s'lidhen me Dukën! Dënimi i Kosovës? UEFA të vendos litarin po ule kokën
20 Nëntor, 19:54 -
Zyrtare/ UEFA me dorë të fortë, Kosova humbet 3-0 ndeshjen e braktisur në Bukuresht për racizëm! Rumania gjobë 128 mijë euro dhe një sfidë pa tifozë! FFK: E apelojmë në CAS
20 Nëntor, 15:12 -
Trajneri i Rumanisë ofendon Kosovën: Gënjejnë si njerëz të paturpshëm
19 Nëntor, 16:24 -
Jashari 'ëngjëll dhe djall', Kosova mposht me vështirësi Lituaninë! UEFA nis hetim për ndeshjen në Bukuresht
19 Nëntor, 15:20 -
Liga e Kombeve/ Ndeshja ndaj Shqipërisë të martën, tekniku ukrainas Rebrov: Po përgatitemi për takimin e rëndësishëm
17 Nëntor, 22:30 -
Skandali në Rumani/ FFK: Thirrjet raciste 'Kosova është Serbi', e ofendimet të pranishme gjithë ndeshjen, futbollistët mbrojtën dinjitetin e shtetit të tyre! UEFA të veprojë
16 Nëntor, 11:38 -
Rraklli në Report TV për ndeshjen me Çekinë: Të kalojmë të parët në avantazh dhe të vrasim ndeshjen! Ata luajnë për barazim, Silvinjon e këshilloj që...
15 Nëntor, 19:52 -
Transferta me Rumaninë, Foda i Kosovës njofton ndryshime: Luajmë vetëm për fitore
15 Nëntor, 14:33
