POP 5

Lajmet më të lexuara të 5 minutave të fundit

Kronikë

Arrestimi i Jurgis Çyrbjes, SPAK pyet ish-kryetarin e Bashkisë së Durrësit, Vangjush Dako! Shoqërohet me polic

Për dosjen që ‘fundosi’ Jurgis Çyrbjen pyetet edhe ish-kryetari i Bashkisë së Durrësit, Vangjush Dako. Ky i fundit mbërriti në SPAK i shoqëruar nga një polic, pasi ndodhet në masën arrest shtëpie dhe i dënuar nga GJKKO me 2.8 vite burg për shpërdorim detyre në dy raste.

TIRANË- SPAK thërret për të marrë në pyetje ish-kryetarin e Bashkisë së Durrësit, Vangjush Dako për dosjen ‘Çyrbja’. Duke qenë se ndodhet në arrest shtëpie, Dako mbërriti në SPAK i shoqëruar nga një efektiv policie dhe do të pyetet për dosjen që çoi në burg ish-deputetin e PS, Jurgis Çyrbja.

Nga bisedat në SKYECC grupet kriminale pretendojnë se kanë ndikuar që Çyrbja të vendoset më lart në listën e kandidatëve për deputetë në zgjedhjet e 2021. 

Në një komunikim me Çyrben, eksponenti i krimit të organizuar Edmond Koçi, i njohur si Mond Çekiçi, i thoshte se e kishte rregulluar që ai të renditej i pesti në listë. Ndërkohë që Jurgis Çyrbja rezultoi edhe më lart i treti. Për të gjitha këto pretendime Dako është pyetur nga hetuesit, pasi ka qenë edhe drejtues i PS në Durrës.

Çyrbja u ‘fundos’ pas zbërthimit të bisedave në aplikacionin e koduar ‘Sky ECC’, ku u zbulua se informacionet sekrete shtetërore që Çyrbja, arrinte t'i siguronte përmes zyrtarëve, ende të paidentifikuar, duke shfrytëzuar pozitën e tij si deputet ua jepet grupeve kriminale, mes tyre Altin Hajrit. E sipas SPAK, Hajri e shpërbleu duke i siguruar vota në 2021. 

Çyrbja dhe bashkëpunëtori i tij Ahmet Masha u arrestuan më datë 20 tetor, me urdhër të SPAK. Ndërkohë, urdhër arresti nuk është ekzekutuar ende për Altin Hajrin, pronar i kompleksit ‘Golden’, i cili prej 4 vitesh është edhe në kërkim si organizator i rrëmbimit dhe vrasjes së Jan Prengës më 17 janar 2020.

Jurgis Çyrbja akuzohet për “tregimi i sekretit shtetëror nga shtetasit”, kryer më tepër se një herë, “përkrahja e autorit të krimit”, kryer më tepër se një herë dhe “tregimi i sekretit shtetëror nga shtetasit”.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

U shtrua në spitalin 'Ungjillëzimi' të Athinës, Kryepiskopi i Shqipërisë, Anastasi në gjendje kritike! Vizitohet nga kryeministri grek Mitsotakis

U shtrua në spitalin 'Ungjillëzimi' të Athinës, Kryepiskopi i Shqipërisë, Anastasi në gjendje kritike! Vizitohet nga kryeministri grek Mitsotakis

5 Janar, 19:22