Arrestimi i Kokës, Rama: Përgjegjësitë janë individuale, jo të PS-së! Ministrat ta kuptojnë, drejtësia vepron! Inceneratorët, histori suksesi

Kryeministri Edi Rama ka folur edhe njëherë në lidhje me arrestimin e ish-ministrit Lefter Koka ndërsa theksoi se kush shkel në dërrasë të kalbur duhet të përballet me ligjin. Kryeministri theksoi se përgjegjësitë janë individuale dhe kushdo që shkel ligjin duhet të përgjigjet para drejtësisë.

“Nëse shkelin ligjin, të ballafaqohen me drejtësinë. Nuk merrem unë me këtë pjesë. Ata të cilët hetojnë nuk kanë kontestim për procedurën”-tha Rama.

LEXO EDHE:
Hapet aksi Thumanë-Kashar, Rama: Mund të shohim si do jetë Shqipëria në 2030! Shumë shpejt fillon rruga e Ndroqit dhe zgjerimi i Tiranë-Durrës

Sa i përket inceneratorëve, Rama tha se veprat janë aty dhe inceneratori është pronë e Bashkisë së Elbasanit. Ai theksoi se plehrat nuk shkojnë më në lumenj por kanë një vend të caktuar ndërsa këtë program e quajti histori suksesi.

“Elbasani, Tirana dhe Fieri nuk kanë më ankthin se do digjen plehrat në natyrë. Durrësi po mbytej nga plehrat, pse s’ka më në lajme për plehrat? Ky program është histori suksesi. Në çdo histori suksesi  do ketë të tilla historira dhe kushdo që ka bërë diçka, të shkojë para drejtësisë”-tha Rama.

Rama tha se aty ku punohet nuk vidhet dhe kush vjedh, nëse kapet duhet të përgjigjet para drejtësisë ndërsa paralajmëroi edhe ministrat ku tha se drejtësia nuk është çështje fjalësh, por veprash.

“Kam përgjegjësi morale dhe politike për veten time kur akuzohem unë. Nëse mua më kërkon drejtësia si të pandehur, unë them që s’e lë këtë barrë në kurriz të partisë. Është njësoj si t’i thuash prindit që fëmija yt 40 vjeç ka bërë një gjë. Drejtësia ka fuqi për të goditur. Të gjithë ministrat duhet ta kuptojë që kjo është çështje fjalësh dhe veprash.”-deklaroi kreu i qeverisë.

Lajmi kryesor:

Rama: Asnjëri s’e mban ‘kalanë’ e PD, Berisha një i marrë që po e çon drejt humnerës! Qesharake të mendosh se unë, Erdogan, Vuçiç e Soros korruptuam SHBA-në

M.Q.//Shqiptarja.com

TAG:
• edi rama
• lulzim basha
• sali berisha
• perplasja berisha basha