Arrestimi i mjekëve në QSUT, Dollenberg nga Gjermania: Mënyra sesi po trajtohen bluzat e bardha në Shqipëri është e gabuar

Arrestimi i dy mjekëve në QSUT për korrupsion ka revoltuar bluzat e bardha të cilat protestuan në lidhje me këtë vendim. Në një lidhje me skype për Report Tv, mjekja shqiptare nga Gjermania Aurora Meta Dollenberg u shpreh se mënyra sesi po trajtohen mjekët është e gabuar. Sipas saj, fillimisht nuk duhet të publikohen të dhëna personale për opinion publik as nga media e as nga institucionet përkatëse, pasi kështu gjyqi i bluzave të bardha po bëhet në mënyrë ‘popullore’.

“Është me të vërtetë kontradiktore fakti që Shqipëria ka nevojë për mjekë , por nga ana tjetër shohim skenare të tilla ku gjyqi i një mjeku bëhet në mënyrë popullore dhe  mënyre jo të ligjshme sepse këto janë mbrojtje e të dhënave të individëve. Nuk mundet pra që emrat e mjekëve, skenari provat shumë të pakta që ishin një telefonatë në fund të fundit për korrupsion, të dalin në mënyrë të menjëhershme në publik dhe mos të ruhet identiteti i mjekëve dhe figura në total e profesionist shqiptar. Është një strategji e gabuar si e mediave por edhe institucioneve që janë përgjegjëse që të bëhet një politikë që i ndjek mjekët”, tha Dollenberg.

Për Dollenberg, arresti është një masë e tepruar pasi konsiderohet shkelje e lirisë së individit. Duke bërë një krahasim me Gjermaninë, një vend ku bluzat e bardha shqiptare kanë përfituar shumë viza pune, Dollenberg tha se në Gjermani zakonisht për raste të tilla ka ndëshkim monetar. Por, kur shkelje të rënda të detyrës rasti ndiqet nga Gjykata në një procedurë që mund të zgjasë për shume kohë, por arrestimi i mjekëve nuk behet pa pasur prova të besueshme.

“Arresti është masë e tepruar dhe shkelje e lirisë së individit. Nëse bëhet një shkelje profesionale duhet të merren masa. Në Gjermani ka ndëshkim monetar, paguhet dëmshpërblim që e vendos në fund gjyqi pas një procedure që shkon me vite, duhet të kalojnë muaj, të verifikohet çdo provë që është kundër mjekut dhe pasi janë marrë pohimet e dëshmitarëve. Është një procedurë që nuk mund të bëhet brenda disa javësh, por do disa muaj. Ndonjëherë mund të shkojë dhe disa vite, derisa të jetë e sigurt dhe gjyqësia që këto prova të jenë të vërteta dhe nëse ka ndodhur një gabim të jetë shumë i bazuar dhe jo në bazë të provave të cekëta. Heqja e lirisë së individit është masa më ekstreme që unë kaq vite në Gjemani, jo vetëm tek mjekët shqiptar por edhe tek kolegët Gjemani nuk e kam përjetuar asnjëherë. E thënë nga eksperienca që kemi në Europë mënyra sesi po trajtohen mjekët në Shqipëri është e gabuar”, vijoi Dollenberg.

E pyetur në lidhje me shpërblimet që marrin nga pacientët mjekja shqiptare në Gjermani tha se maksimumi që mund të marrin është një tufë lule. Sipas saj mjekët nuk kanë asnjë lloj kontakti me paratë, pasi faturat paguhen nëpërmjet kasës. Dollenberg tha se edhe në Gjermani çdo rast i marrjes së parave të pacientëve konsiderohet korrupsion.

“Maksimumi një tufë lule mund t’i bëhet mjekut. Është e përjashtuar në çdo institucion qoftë ambulant qoftë spitalor që mjekut t’i jepen para sepse është një formë korruptimi. Ti i kërkon një favor duke i dhënë para. Nëse pacienti është mirënjohës jep një tufë lule. Kjo është formë shpërblimi shumë e njohur dhe e pranuar nga institucionet punëdhënëse në Gjemani. Ne si mjek nuk kemi asnjë lloj kontakti me paratë me pacientin sepse gjithçka kalon nëpërmjet kasës së shëndetit dhe ministrisë së Shëndetit. Çdo komunikim monetar me pacientin bëhet një subjekt për tu marrë një padi, qoftë nga infermieri që i merr qoftë nga pacienti.  Në Gjermani kjo gjë është e përjashtuar, paratë nuk i takojnë formës së shpërblimit”, tha Dollenberg.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Llesh Perkola: 14/07/2021 18:43

    Ja cfare shkruhet ne librin Medical Ethics tor the Boards Nga Conrad FISCHER ...... Small gifts from patients of limited value are ethically acceptable. Food, plants, and small articles of clothing such as a scarf are all acceptable. Refusing such signs of gratitude would be hurtful to the doctor/patient relationship if they are a sign of the good relationship with you.....Jam kundra faktit qe mjeket te kerkojne leke per sherbimin , por nese dikush me zgjedhjen e vet te lire i thot mjekut ....Doktor , Pije nje kafe prej meje dhe i Jep 2 mije apo 5 mije , Mjeku le ta mare se e ka hallall per punen qe ben dhe stresin qe ka kur dikush i le ne dore gjene me te cmuar qe ka , JETEN e vet, aq me teper ne kete sistem shendetsor problematik si ky yni, eshte turp qe i permendi mjekut keto pikerisht ata qe vet e kane mesuar te sillet keshtu.Nga ana tjeter edhe shteti e ka per detyre konstante qe te mbaje gjithmone ne vemndje punen e mjekut ta mbroje dhe ta promovoje ate edhe ta shendoshe mterialisht sa here qe mundet qe ta beje mjekun te shkoje i lumtur ne pune dhe jo i etur per te vjete perfitime materiale nga pacienti

    Përgjigju
  • München: 14/07/2021 17:23

    Ju Zonje e nderuar shum mire beni qe je kundra publikimit te te dhenave personale.por qenke shum larg realitetit ne shqiperi. Un e njoh sherbimin mjeksor ne gjermani se jetoj prej 29 vitesh ketu. Por si tja shpegoja mamase time 70 vjece Kur u rrezua dhe theu kocken e legenit dhe doren, qe hekurat dhe vidat qe I duheshin, duhet ti blinim te farmacisti miku I kirurgut? Gati I pushoje zemra nga meraku I lekeve qe do paguanim per operacioni dhe jo nga dhimbjet e kockave te thyera. Meqe e njihke problemin e Spitaleve ne shqiperi se nuk ka mjeke mjaftushem, ju ftoj ta lini punen ne gjermani dhe te punoni nje vit vullnetare ne shqiperi per te ndihmuar pacientet por dhe per te dhene shenbullim personal (mjekim pa bakshish) per edukimin e kolegeve shqiptare qe jane bere me yll ne balle e nuk ju ben syri drite. Redaksise I lutem tja perzjelle masazhin tim zonjes.

    Përgjigju
  • Qwer: 14/07/2021 15:22

    Te gjith mjeket ne shqiperi jan shtresa me e ulet e shqiperise..duhen rrahur tre her ne dit bam bam bam ..zagaret se e rropen ket popull zagaret

    Përgjigju
  • Lui: 14/07/2021 15:03

    Zonja Dollenberg, ju keni te drejte kur thoni qe duhen ruajtur te dhenat apo mos te arrestohen mjeket sepse e krahasoni me Gjermanine. Provojeni ketu te coni lule tek mjeku dhe do e shikoni si do e merrni sherbimin. Dhe kur thoni qe media e tepron me publikimet e te dhenave personale, ose dhe institucionet gabojne qe publikojne keto te dhena. Ketu duhet marre parasysh fakti qe dhe mjeket, dhe gazetarer, dhe punonjesit e institucioneve dhe cdokush qe ka nje pune te caktuar do e beje ne ate menyre qe eshte gatuar ne shoqerine ku jeton. Me kete dua te them qe eshte nje mentalitet i tere qe eshte i gabuar. Por neve na"djeg" mjeku ose gjykatesi sepse ka te beje direkt me jeten. Po te shikoni dhe ndonje profesion tjeter, abuzojne ne te njejten menyre, por nuk na ben pershtypje sepse e para nuk ka lidhje direkt me jeten si mjeku apo gjykatesi, dhe e dyta eshte qe nuk na ben pershtypje sepse jemi pjese e te njejtit mentalitet. Shko per nje certifikate, dhe do shikoja qe te dera, polici i deres te drejtohet sikur te ka ne dore dhe ne fakt nese ia shkrep ne koke nuk te fut fare brenda. Ose ne poste. Ajo gruaja qe rri te dera qene e kane vene per te te dhene informacion, ajo perpiqet te te mashtroje qe ti te biesh pre e asaj dhe per te zgjidhur nje ceshtje dokumenti, ajo te jep nje nr dhe thote fol me kete se ta rregullon ai se punon direkt te deshmia e penalitetit psh. Dhe sigurisht qe duhet te paguash ndonje gje. Dhe doktoret jane pjese e ketij mentaliteti qe ate tufen me lule te bejne qe ta hash nese te shikojne perseri ne deren e spitalit. Prandaj denimi duhet, dhe gjithashtu dhe gjykimi popullor. Sepse sipas vendit behet kuvendi.

    Përgjigju
  • Laert: 14/07/2021 14:52

    Na çate trapin me kete dollenleshin

    Përgjigju
  • xxx: 14/07/2021 14:16

    Ti o mjeke e nderuar e ke rrogen 6000 euro bruto dhe ne dore merr 3000 euro dhe nuk merr asnje bakshish, paguan dhe qerane e shtepise 1500 euro kusuri te ngelet per shpenzime te tjera

    Përgjigju
  • Sondazhi i ditës:

    Beteja për FSHF-në, a duhet të vijojë Armand Duka të drejtojë futbollin në vend?



×

Lajmi i fundit

John

Tatimet kontrolle në kompanitë e Armand Dukës, Dhoma tregtare e Durrësit: Kontrolle të orkestruara për presion politik, ndikon negativisht në klimën e biznesit