POP 5

Lajmet më të lexuara të 5 minutave të fundit

Kronikë

Arrestimi i vrasësit të Nikulajt, avokati në Report Tv: S’ka asnjë pengesë për ekstradimin e Ruben Saraiva, edhe pse s’kemi marrëveshje me Marokun! Ja pse

Avokati Arbër Hoxha ka sqaruar në Report Tv se ndonëse Shqipëria nuk ka një marrëveshje me Marokun për ekstradim, kjo nuk është një pengesë për të sjellë autorin e vrasjes së Ardian Nikulajt, Ruben Saraiva në vendin tonë.

TIRANË- Avokati Arbër Hoxha ka sqaruar në Report Tv se ndonëse Shqipëria nuk ka një marrëveshje me Marokun për ekstradim, kjo nuk është një pengesë për të sjellë autorin e vrasjes së Ardian Nikulajt, Ruben Saraiva në vendin tonë. Kjo sepse, Ruben Saraiva është një shtetas portugez i arrestuar në Marok dhe mbi bazën e marrëveshjes me INTERPOL, ai mund të sillet në Shqipëri për të vuajtur dënimin. Nëse Ruben Saraiva do ishte maroken, atëherë ekstradimi i tij drejt Shqipërisë, do ishte i pamundur.

“Nuk kemi një marrëveshje ekstradimi. Edhe pse nuk kemi, nuk përbën asnjë pengesë ligjore, për ta ekstraduar këtë shtetas sepse është protugez. Ajo që do ishte shkak negative, do ishte nëse ky shtetas i përket marokut. Duke qenë se është portuges nuk ka asnjë pengesë për t’u ekstraduar. Ai është shpallur në kërkim për vrasje, në këto kushte Maroku është i detyruar që nëse drejtoria me marrëdhënien me jashtë nëpërmjet ministrisë së Drejtësisë, do i çoje të gjitha provat, Maroku mbi bazën e marrëveshjes me Interpol, është i detyruar, nëse Gjykata e vendos gjithmonë. Nëse do ishte Maroken, nuk do ekstradohej, çdo shtetas tjetër, i ndryshëm nga shtetas të atij vendi, mund të bëhet ekstradimi. Këto parimet e reciprocitetit janë vetëm për pengjet e luftës”, tha Hoxha në Report Tv.

I ftuar në emisionin “Sot Live në Shqipëri” me gazetarin Nertil Agalliu, Hoxha tha se ka 2 kërkesa për ekstradim, nga Britania e Madhe që e kërkon për trafik droge dhe në Shqipëri për vrasje. Në këto kushte, ai shpjegon se kërkesa e Shqipërisë prevalon pasi kemi të bëjmë me një vepër penale më të rëndë.

“Ka 2 kërkesa për ekstradim se është i dënuar edhe në Britani, konkurrojnë 2 kërkesa për ekstradim, nga Shqipëria dhe Britania. Do jetë gjykata e Rabat se ku do të ekstradohet fillimisht, por Britania e Madhe ka një avantazh se vendimi penal atje ka marrë një vendim të formës së prerë ndërkohë që këtu është një masë arresti. Por Shqipëria ka avantazh se këtu po kërkohet për vrasje”, tha avokati Arbër Hoxha.

Aktualisht, në Britani të Madhe janë të arrestuar, Edmond Haxhia, porositësi dhe organizatori i atentatit mafioz, si edhe 3 bashkëpunëtorët anglezë që kanë luajtur rolin e vëzhguesit, Thomas Mithan, Steven Hunt, 35 dhe 49 vjeç si dhe Harriet Bridgeman, 28 vjeçe. Për ta ka nisur procedura e ekstradimit për në Shqipëri, ndërsa një gjykatë në Londër ka ndryshuar masën nga arrest në burg në arrest shtëpie vetëm për Bridgeman.

Edmond Haxhia ishte porositësi dhe organizatori i atentatit. Haxhia sipas policisë ka marrë hak për dajat, Elton e Klodian Lekstakaj, por pavarësisht kësaj, për dy vëllezërit, burime nga grupi hetimor thonë se nuk ka ende asnjë provë që t'i përfshijë direkt në ekzekutimin e Ardian Nikuljat, për gjakmarrje. Portugezi, Ruben Saravia ishte ekzekutori i planit, personi i shfaqur me motor dhe jelek fosforeshent i cili qëlloi për vdekje me 7 plumba biznesmenin Ardian Nikulaj, e ndërsa 4 britanikët e tjerë kishin rolin e vëzhguesit. Gjithçka ka ndodhur për gjakmarrje, për shkak të konflikteve me vrasje në të dyja fiset Lekstakaj dhe Nikulaj që në 1996-ën.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Avokati: 09/05/2023 23:04

    O avokat pse not ka shku ai ne marok pasi e dinte qe atje sdo ekstradohet, qja fut kot nenshtetesine portugeze. Ne rastin konkret do kerkoje shqipria ekstradimin dhe Jo portugalia, dhe po e kerkoj portugalia ekstradimin e tij portugalia nuk lejon ekstradimin ne asnje vend tjeter, kshuqe ai eshte i „blinduar“ kunder ekstradimit

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56