TIRANË - Tentativa e vjedhjes së banesës në Prush të Tiranës më 9 dhjetor të vitit të shkuar, ku autorët e veshur me uniforma policie shkëmbyen të shtëna me policët e vërtet është zbardhur zyrtarisht nga Krimet e Rënda të Policisë së Tiranës dhe Komisariati nr. 6.
Bashkë me të, edhe dy ngjarje të tjera konsiderohen tashmë të zbardhura, grabitja e argjendarisë në Kamzë më 28 nëntor 2023 dhe një tentative të tretë për të vjedhur në rrugën Tiranë-Vorë.
Të gjitha kanë një të përbashkët, autorët, dy prej të cilëve u arrestuan, ndërsa një i tretë, F.T, u shpall në kërkim. Klodian Çypi, 37 vjeç, nga Fushë Kruja dhe Kleotild Bardhi, 32 vjeç, nga Laçi, ranë në pranga të policisë edhe pse prej disa javësh ishin si të dyshuar kryesor.
Por, si arriti policia në gjurmët e tyre?
Një ditë më parë në zonën e Kombinatit rezulton të jetë vjedhur një makinë dhe ndër personat e shoqëruar si të dyshuar ishin edhe Klodian Çypi dhe Kleotild Bardhi. Të dy rezultuan se nuk ishin autor të vjedhjes së makinës, por gjatë kontrolleve në shtëpi iu gjetën materiale e prova që hetuesit i lidhin me grabitjen e Prushit.
Dy armë zjarri pistoleta të çmontuara, të gjetura në banesën e Kleotild Bardhit. Gjithashtu u sekuestruan krehra e municion luftarak, një automjet, 8 aparate celularë, 3 karta SIM, dhe një pajisje GPS. Kjo e fundit thonë burimet e policisë konsiderohet provë e rëndësishme në hetime.
Ata akuzohen për veprat penale vjedhje me armë e kryer në bashkëpunim mbetur në tentativë, vrasja e punonjësit të Policisë së Shtetit, mbetur në tentativë dhe armëmbajtje pa leje.
Klodian Çypi nuk është emër i panjohur për policinë. I riu është autor i dhjetëra vjedhjeve dhe grabitjeve që prej vitit 2011. Në grabitjen e Prushit agresorët pasi panë policinë qëlluan në drejtim të tyre por plumbat për fat të mirë nuk kapën asnjërin dhe mundën të largohen me një “Audi” me ngjyrë të bardhë. Ndërkohë në Kamzë mundën të marrin flori me vlerë të konsiderueshme.
"Nga veprimet hetimore të kryera dyshohet se shtetasit K. C., dhe F. T., më datë 09.12.2023, kanë tentuar të vjedhin në një banesë në fshatin Prush, dhe sapo kanë konstatuar shërbimet e Policisë, kanë hapur zjarr ndaj tyre, me armë, dhe janë larguar me një automjet tip "Audi", në pronësi të shtetasit K. B.
Gjithashtu, dyshohet se këta shtetas janë autorë të ngjarjes së ndodhur më datë 28.11.2023, ku është vjedhur një argjendari në Kamëz, dhe të vjedhje të mbetur në tentativë, në një biznes në rrugën Vorë-Tiranë" informoi sot polica e Tiranës.
Operacioni u kodua "Blind' dhe u organizua nga efektivët e komisariatit 6 dhe policisë së Kurbinit.
Të arrestuarit e akuzat
Klodian Çypi, 37 vjeç, banues në Fushë Krujë, i dyshuar për kryerjen e veprave penale "Vjedhja me armë", e kryer në bashkëpunim, mbetur në tentativë, "Vrasja e punonjësit të Policisë së Shtetit", mbetur në tentativë, "Mbajtja pa leje dhe prodhimi i armëve, armëve shpërthyese dhe i municionit.
Kleotild Bardhi, 32 vjeç, banues në Laç, i dyshuar për kryerjen e veprave penale "Mbajtja pa leje dhe prodhimi i armëve, armëve shpërthyese dhe i municionit", dhe "Veprime që pengojnë zbulimin e së vërtetës".
Në kërkim
F. T., i dyshuar për kryerjen e veprave penale "Vjedhja me armë", e kryer në bashkëpunim, mbetur në tentativë, "Vrasja e punonjësit të Policisë së Shtetit", mbetur në tentativë, "Mbajtja pa leje dhe prodhimi i armëve, armëve shpërthyese dhe i municionit".
Foto: Kleotild Bardhi dhe Klodian Çypi
Komente
Lajme të tjera
-
Hapet gara për ndërtimin e hekurudhës Hani i Hotit-Vorë, Gonzato: Ndihmon lëvizjen ekologjike dhe zhvillon turizmin! Shqipëria po ecën me reformat, BE e mbështet
18 Dhjetor, 10:49 -
Dorian Teliti sulmon kryebashkiakun e PD, Fisnik Qosja: Kavaja, një qytet i vdekur
18 Dhjetor, 10:02 -
Veto Surroi: Dhjetori i demokracisë dhe një shenjë normaliteti
18 Dhjetor, 09:52
-
U përfshi në aksident, mjeku nuk u mbijeton dot plagëve! Humb jetën te Trauma
18 Dhjetor, 09:35 -
Protestoi te ‘Infrastruktura’ se nuk i jepnin fondin e rindërtimit, 62-vjeçares i premtohet zgjidhje pas denoncimit në Report Tv! Natën e kaloi para Ministrisë
18 Dhjetor, 08:50 -
Fshihet emri Air Albania nga stadiumi në Tiranë, arena e Kombëtares është gati për emrin e ri
17 Dhjetor, 19:39 -
Nuk merr fondin për dëmtimin e shtëpisë nga tërmeti, gruaja në grevë urie para Ministrisë së Infrastrukturës: Balluku të më japë zgjidhje ose të marrë dhuratë vetëflijimin tim
17 Dhjetor, 18:45 -
Lëkundje tërmeti në Shqipëri, epiqendra në Burrel
17 Dhjetor, 18:05 -
Nga Kopshti Botanik te transformimi i akuadromit, Veliaj prezanton disa nga projektet: Numri i shkollave do shkojë në 50
17 Dhjetor, 17:28 -
Tiranë/ Për herë të parë konferenca e solidaritetit islamik! Veliaj: Sporti mundësia më e mirë për të bashkuar njerëzit
17 Dhjetor, 17:17 -
Tiranë/ Aksident i trefishtë në Sauk, një i plagosur! Report Tv siguron foto dhe VIDEO nga vendngjarja
17 Dhjetor, 17:09 -
Seanca për mbarimin e mandatit të kryetares së Gjykatës Kushtetuese, Holta Zaçaj shtyhet për 23 dhjetor
17 Dhjetor, 16:18
Mendo cfare edukimi u japin femijeve keto plehra… Denim dhe kurre Amnisti !!!
PërgjigjuPerdit ne burg e ne varr prap smbarohen
PërgjigjuVarini me litar keta zagaret.
Përgjigju