POP 5

Lajmet më të lexuara të 5 minutave të fundit

Kronikë

Arrestohen dy policë në Pukë 
s'raportuan parcelat me kanabis

Shërbimi i Çështjeve të Brendshme dhe Ankesave  (SHÇBA) pranë Ministrisë së Punëve të Brendshme ka vënë në pranga 2 punonjës policie të Komisariatit Pukë, për shkak se akuzohen për “Kultivim bimësh narkotike” dhe “Shpërdorim detyre”.
Shërbimi i Çështjeve të Brendshme dhe Ankesave  (SHÇBA) pranë Ministrisë së Punëve të Brendshme ka vënë në pranga 2 punonjës policie të Komisariatit Pukë, për shkak se akuzohen për “Kultivim bimësh narkotike” dhe “Shpërdorim detyre”.
 
Dy të arrestuarit që mbajnë gradën “inspektor”, Bib Kol Luka, 48 vjeç dhe Gjergj Mark Dodani, 51 vjeç, dyshohen se kanë raportuar të dhëna të rreme për kultivimin ose asgjësimin e bimëve narkotike në zonën ku kryenin shërbimin.
 
Nga hetimet disa mujore të kryera ka rezultuar se në njësitë administrative Luf-Qerret dhe në Qelëz, kishte zona të mbjella me bimë narkotike, të cilat u shkatërruan në një aksion të policisë gjatë këtyre ditëve.
 
Dy punonjësit e policisë të arrestuar kishin relatuar të dhëna të rreme, ndërkohë që në aksionin e Policisë u asgjësuan mbi 21 mijë rrënjë bimësh kanabis sativa.
 
Në bazë të materialeve procedurale të dërguara nga SHÇBA, Prokuroria e Rrethit Gjyqësor Pukë, ka regjistruar procedimet penale në ngarkim të dy punonjësve të policisë Bib Luka, dhe Gjergj Dodani, për veprat penale të “Shpërdorimit të detyrës” dhe “Kultivimit të bimëve narkotike”, parashikuar nga nenet 248 dhe 284 të Kodit Penal.

Redaksia Online
l.q/Shqiptarja.com
 

/Shqiptarja.com
  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Interi propozon shkëmbimin e Kristjan Asllanit me talentin e Serie A

Interi propozon shkëmbimin e Kristjan Asllanit me talentin e Serie A

5 Janar, 22:54