Arrestohet 31-vjeçari shqiptar në Itali, ekzekutoi në sy të gruas ish-bankierin

Një shqiptar ka rënë në prangat e policisë në Itali ditën e sotme, pasi akuzohet si autorë i vrasjes së ish-bankieri. Mediat italiane bëjnë me dije se në pranga ka rënë 31-vjeçari Paulin Meçaj, i cili, pasditen e djeshme, së bashku me një person tjetër, dyshohet se kanë qëlluar për vdekje një ish-bankier, Giovanni Caramuscio, 69 vjeç.

Ngjarja u regjistrua në Lequile, në provincën e Lecces, ndërsa Caramuscio ka qenë duke tërhequr para nga një bankomat. E gjithë ngjarja ndodhi në sy të bashkëshortes së tij, e cila po e priste në makinë. Personi tjetër i përfshirë në ngjarje nuk është kapur ende, ndërsa dyshohet po ashtu se është shqiptar.

Ishin kamerat e sigurisë së bankës që ndihmuan në identifikimin e autorëve dhe po ashtu edhe dëshmia e gruas së viktimës, pavarësisht nga fakti se të dy i kishin fytyrat e tyre të mbuluara me maska.

Gjatë arratisjes, autorët lanë më shumë se një gjurmë të dobishme për identifikimin e tyre.

 

TAG:
• vrasje
• Arrestime
• itali
• Paulin Meçaj