Një 38-vjeçar i identifikuar si Valerjan Arra është arrestuar në Pikën Kufitare të Morinës pasi ishte në kërkim ndërkombëtar nga autoritetet italiane.
38-vjeçari, banues në Shkodër ishte shpallur në kërkim ndërkombëtar, pasi Gjykata e Apelit të Firences e ka dënuar me 12 vjet e 3 muaj burgim, për veprën penale "Trafikimi i lëndëve narkotike", kryer në formën e grupit kriminal, të parashikuar nga legjislacioni penal i Italisë. Valerjan Arrës i kanë mbetur për të vuajtur nga ky dënim me burgim, edhe 4 vjet e 4 muaj.
Interpol Tirana, në bashkëpunim me autoritetet italiane, vijon procedurat për ekstradimin e 38-vjeçarit.
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)