TIRNAE - Ndërsa opozita po hedh akuza për një shtet policor duke iu referuar aksionit të nisur në 3 ditë kundër vjedhjes së energjisë, një eksponent i rëndësishëm brenda Partisë Demokratike është vetë një ndër shkelësit e ligjit.

Bujar Brovina i zgjedhuri i Lulzim Bashës në Këshillin Kombëtar të PD-së u arrestua këtë të enjte, pasi iu gjetën tre lidhje të paligjshme të energjisë elektrike në vilën e tij 3 katëshe. Grupet e Operatorit të Shpërndarjes së Energjisë Elektrike dhe Policia e Shtetit evidentuan lidhjet e jashtëligjshme në banesën e Brovinës në Qytet Studenti i cili njëherësh ka qenë për 8 vite drejtor i Qytet Studentit.

Kamera e A1 REPORT ka shkuar në vilën e zotit Brovina e cila ndodhet në hyrje të Qytet Studentit. Ish-kreu i QS-së ka vjedhur energjinë nga kabina elektrike e cila ndodhet rreth 10 metra nga vila tre katëshe. Këto linja duke kaluar në murin ndarës të kabinës elektrike përfundonin në vilën tre katëshe të Brovinës.Sipas hetimeve rezulton që lidhja e jashtëligjshme të jetë bërë rreth 9 vite më parë.

Këto lidhje janë ndërprerë nga OSHEE teksa Brovina është prangosur dhe dërguar në ambientet e komisariatit numër 1 ku do të përballet me veprën penale të vjedhjes së energjisë.

Brovina qëndroi për 8 vite në drejtimin e Qytetit Studenti i zgjedhur nga Partia Demokratike ku në disa raste është denoncuar dhe publikisht për abuzimet me fondet publike.

lidhje e paligjshme


lidhje e paligjshme


banesa e Bujar Brovina

(Në foto: Lidhjet e paligjshme në banesen e Bujar Brovina) Foto të tjera

Gjiknuri: Ky eshte njeriu qe ankohet se i bie ne qafe policia!
Ishte ministri i Industrisë dhe Energjetikës Damian Gjiknuri i cili nga foltorja e Kuvendit në seancën e së enjtes, bëri publik këtë rast.

“Bujar Borovina, eksponent i PD-së, ish-drejtor i Qytet Studentit, vilë tre katëshe me 3 lidhje të paligjshme. Ky është njeriu që ankohet pse i bie në qafë policia”, tha Gjiknuri. 

 Redaksia Online
(Gre.M/Shqiptarja.com)