Arrestohet gazetari në Poloni, akuzohet si spiun i Rusisë, po ikte për në Ukrainë

Polonia ka arrestuar një gazetar spanjoll me dyshimin se është spiun rus. "I dyshuari, i identifikuar si një “agjent i agjencisë së inteligjencës ushtarake të Rusisë (GRU)”, është arrestuar në Przemysl - afër kufirit të Polonisë me Ukrainën", tha sot, 4 mars 2022, Agjencia e Sigurisë së Brendshme të Polonisë  (ABW).

Pablo Gonzalez, gazetar i pavarur ka punuar për median online Publico dhe kanalin televiziv La Sexta. Sipas njoftimit thuhej se ai ishte me origjinë ruse dhe po planifikonte “të shkonte në Ukrainë për të vazhduar aktivitetin e tij”.

ABW tha se ai kreu veprime për të cilat përfitonte Rusia dhe udhëtoi në Evropë duke përfituar nga statusi i tij si gazetar.

Avokati i tij, Gonzalo Boye, i tha Reuters se nuk kishte arritur ende të kontaktonte klientin e tij. Ai postoi më herët në Twitter se klienti i tij ishte akuzuar për spiunazh dhe po mbahej në burgun Rzeszoë.

Ministria e Jashtme e Spanjës tha se ishte informuar nga autoritetet polake për akuzat, por nuk mund të jepte asnjë detaj por shtoi se do i ofronte ndihmë konsullore.

Prokuroria e Polonisë tha se Gonzalez ka qenë aktiv në shtete të tjera dhe mbante dy pasaporta, dy karta ID ruse me dy emra të ndryshëm. Nëse ai shpallet fajtor rrezikon të dënohet deri në 10 vite burg.

Gazetari i arrestuar, Pablo Gonzalez

Lajmi kryesor:

Zelensky-Europës: Të gjithë jeni ukrainas, nëse biem ne, bini ju! Centrali bërthamor në duart e rusëve! Rusia bllokon rrjetet sociale! Me kërkesë të SHBA-Shqipëri OKB mblidhet të hënën

er.k./Shqiptarja.com

TAG:
• ukraine
• Rusi
• kiev
• Moske
• rusia sulmon ukrainen
• Volodymyr Zelensky
• vladimir putin