POP 5

Lajmet më të lexuara të 5 minutave të fundit

Bota

VIDEO/ Arrestohet në Kolumbi bossi i mafies italiane, Gustavo Nocella! Tavolina e bilardos i "solli" policinë në shtëpi

Bosi i mafies italiane Gustavo Nocella është arrestuar në Medelin të Kolumbisë. Arrestimi i Nocella-s, në kuadër të operacionit “Minerva” vjen pas një hetimi të përbashkët gjashtë-mujor mes Policisë Kombëtare Kolumbiane, Policisë italiane, Mbretërisë e Bashkuar dhe Europolit,

Bosi i mafies italiane Gustavo Nocella është arrestuar të hënën që lamë pas, (21 tetor 2024) në Medelin të Kolumbisë.

I njohur në botën e krimit si “Ermes”, 58-vjeçari nga Napoli është kapur në banesën e tij që ndodhet në lagjen El Poblado.

Sipas Colombia, arrestimi i Nocella-s, në kuadër të operacionit “Minerva” vjen pas një hetimi të përbashkët gjashtë-mujor mes Policisë Kombëtare Kolumbiane, Policisë italiane, Mbretërisë e Bashkuar dhe Europolit,

Ai dyshohet se ka koordinuar trafikun e kokainës nga Kolumbia në Holandë, ku dërgesat shpërndaheshin në të gjithë Evropën.

Sipas policisë, Nocella është i lidhur me klanet mafioze italiane të Rinaldi-Formicola, Amato-Pagano dhe De Micco, të gjitha me qendër në Napoli.

William Salamanca, drejtor i Policisë Kombëtare, tha: "Në botën e trafikut të drogës, rrjeti i tij logjistik vlerësohej shumë, i përbërë nga bashkëpunëtorë të specializuar që kryenin detyra specifike nën drejtimin e tij të rreptë".

Sipas policisë kolumbiane, ishte pasioni i Nocella-s për lojën e bilardos, i cili e “dorëzoi” tek autoritetet. 58-vjeçari kishte porositur një tavolinë bilardoje për në shtëpinë ku banonte, porosi që ndihmoi policinë ta gjente.

Ai ishte subjekt i Interpolit, me kërkesë nga agjencia kundër drogës në Napoli, dhe kërkohej për komplot kriminal dhe trafik droge. Pas hetimeve, autoritetet konstatuan se bosi i mafies italiane fshihej në Medellin të Kolumbisë.

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Presidenti Trump rikthen dënimin me vdekje në nivel federal

Presidenti Trump rikthen dënimin me vdekje në nivel federal

21 Janar, 19:04