POP 5

Lajmet më të lexuara të 5 minutave të fundit

Bota

VIDEO/ Arrestohet në Milano 19-vjeçarja nga Kosova! Bashkëshortja e autorit të sulmit tragjik me 4 viktima në Vjenë! Të shoqit i kishte premtuar se do vdiste si martire

Një 19-vjeçare nga Kosova u arrestua gjatë një operacioni të policisë në Milano të Italisë, nën akuzën e terrorizmit. Në pranga ka rënë Bleona Tafallari, bashkëshortja e Kujtim Fejzullahut, autori i sulmit të përgjakshëm në Vjenë në nëntorin e vitit të kaluar. Asaj Iu gjetën në telefon video të sulmeve terroriste dhe biseda me të mitur që tentonte t'i rekrutonte.

Bleona Tafallari, bashkëshortja e Kujtim Fejzullahut, autori i sulmit të përgjakshëm në Vjenë në nëntorin e vitit të kaluar, është arrestuar nga policia ditën e sotme në Milano të Italisë. Sipas hetimeve italiane, rezulton se reja është një mbështetëse e ISIS, e radikalizuar që në moshë të mitur, 16-vjeçare. Ajo ishte transferuar së fundmi nga Kosova në Milano, por qëndronte në komunikim të vazhdueshëm me një celulë xhihadistësh kosovare.

19-vjeçarja kishte në celularin e saj video dhe imazhe, disa prej të cilave të krijuara nga agjencia e komunikimit të Shtetit Islamik, imazhe të flamurit të zi, e skena të sulmeve terroriste. Ajo përhapte islamin radikal mes të miturve, ndërsa në një bisedë të zhvilluar më 24 shkurt me një vajzë 16-vjeçare, e quajtur Zanë, ajo i premtonte se do t'i gjente një burrë 'luan', njësoj si burri i saj 'me të cilin të vdesësh si martire, pas një martese të larë me gjakun e jobesimtarëve'.

Mes bisedave të saj dalin edhe mesazhe të shkëmbyera me vajzën e Bujar Hysës, imami i dënuar për terrorizëm, ku shprehin entuziazmin e tyre për terroristët e ISIS.

Kujtojmë se Kujtim Fejzullahu, 20 vjeç qëlloi njerëzit në Vjenë me kallashnikov e thikë, duke i marrë jetën 4 personave ndërsa më pas u qëllua për vdekje nga policia.

Bleona Tafallari dhe Kujtim Fejzullahu
 

Rendit zhvillimet sipas orarit:
Ora 12:28
U arrestua për terrorizëm, 19-vjeçarja kosovare shkëmbente mesazhe me vajzën e imamit të arrestuar, Bujar Hysa! Shoqja i dërgonte foto të djalit të mitur me armë

Imami Bujar Hysa

19-vjeçarja Bleona Tafallari, e arrestuar për terrorizëm në Milano të Italisë, mbante komunikime të rregullta edhe me vajzë të quajtur Suada, e cila ishte vajza e Bujar Hysës, imami i dënuar për terrorizëm. Në bisedat mes tyre, ato shprehnin entuziazmin për ISIS, ndërsa Erza i dërgonte 19-vjeçares edhe foto të djalit të saj të mitur, të veshur me veshje të përdorur nga terroristët dhe duke pozuar me armë pranë. Në mesazhe, Tafallari i shkruan shoqes së saj "sikur ta prekja dhe unë atë që ka prekur ai", duke iu referuar armës.

Bujar Hysa, i cili ka qenë imam i xhamisë së Mezëzit, u arrestua në vitin 2015, bashkë me 8 persona të tjerë, me akuzën e rekrutimit të shtetasve të besimit myslimanë drejt Sirisë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Jani: 29/11/2021 04:08

    Prralla me qeros qe te kerdiset dynjaja.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Tragjedi në Brazil/ Shembet ura, 2 të vdekur dhe dhjetëra të tjerë të zhdukur

Tragjedi në Brazil/ Shembet ura, 2 të vdekur dhe dhjetëra të tjerë të zhdukur

25 Dhjetor, 14:35