Një efektiv policie është arrestuar mbrëmjen e sotme në Durrës, pasi po drejtonte automjetin në gjendje të dehur, ndërsa ka qëlluar edhe në ajër me armën e shërbimit.

Punonjësi i arrestuar është Ilir Vrioni 49 vjeç, ndërsa ka qenë duke drejtuar mjetin e policisë në gjendje të dehur kur është prangosur nga SHÇBA.

Sipas njoftimit, nga testi me aparat drager, Vrioni rezultoi i dehur dhe akuzohet për “Drejtim të mjetit në mënyrë të parregullt”. Njëkohësisht janë kryer veprimet e tjera për dokumentimin e plotë të rrethanave të ngjarjes.

Materialet procedurale do të referohen në Prokurorinë pranë Rrethit Gjyqësor Durrës për veprime të mëtejshme. Në datë 30 shtator u arrestua shefi i stacionit të Patosit, Flamur Veliu pasi u përfshi në një aksident i dehur, ndërsa dy ditë më parë u lirua.