U thirr në zyrë për një takim në fundjavë, por prej aty doli në pranga dhe i shoqëruar nga Forcat e Ndërhyrjes së Shpejtë. Është ky prokurori Sali Hasa i cili për disa muaj drejtoi edhe Prokurorinë e Sarandës, aty ku u prangos këtë të shtunë.
Hasa është i dyshuar për korrupsion pasi nga hetimet e SPAK rezulton se ka pushuar një procedim penal kundrejt marrjes së parave për një kriminel.
Por si u arrit në arrestimin e ish drejtuesit sot prokuror në Sarandë?
Ishte një hetim nisur në shkurt 2020 për trafik kanabis i cili zbuloi një grup kriminal, i cili jo vetëm trafikonte drogë, por trukonte ndeshje dhe korruptonte zyrtarë publik.
Mes zyrtarëve të korruptuar rezultoi edhe prokurori Hasa i cili nga sot është në pranga.
Të tjerë të arrestuar janë: Napolon Hodaj, Oficeri i Policisë Gjyqësore në Prokurorinë Pranë Gjykatës së Shkallës së Parë, Sarandë, i dyshuar për kryerjen e veprës penale të “Ushtrim i ndikimit të paligjshëm ndaj personave që ushtrojnë funksione publike”. Qerim Ruçi, arbitër i ndeshjeve të futbollit, si i dyshuar për kryerjen e veprës penale të “Paracaktimi i rezultateve në garat sportive”, kryer në bashkëpunim.
Bledar Hajredini, zyrtar i klubit sportiv SHS “Përmeti”, i dyshuar për kryerjen e veprës penale të “Paracaktimi i rezultateve në garat sportive”, kryer në bashkëpunim. Dy zyrtarët e futbollit sipas materialeve të siguruar nga ReportTv dyshohen se kanë përcaktuar rezultatin e ndeshjes Selenica – Përmeti, ndeshje e cila ka përfunduar në favor të klubit përmeti 0-1 me një penallti.
Po ashtu janë arrestuar Julian Zera, i dyshuar për kryerjen e veprës penale të “Ushtrimi i ndikimit të paligjshëm ndaj personave që ushtrojnë funksione publike”, Emiljano Mirani, i dyshuar për kryerjen e veprës penale të “Ushtrimi i ndikimit të paligjshëm ndaj personave që ushtrojnë funksione publike”, kryer në bashkëpunim.
Ndërsa arrest shtëpie është caktuar për të hetuarën Elsona Papa, e dyshuar për kryerjen e veprës penale të “Ushtrimi i ndikimit të paligjshëm ndaj personave që ushtrojnë funksione publike”, kryer në bashkëpunim.
Pjesë e këtij grupi kriminal ka qenë edhë një ekspert mjeko ligjorë i cli ka përpiluar një raport mjeksorë false, në favor të pushimit të procedimit penal marrë përsipër nga prokurori Hasa dhe ai është Hysen Koleci, ndaj të cilit është vendosur “Detyrim për t’u paraqitur në policinë gjyqësore”.
Ndër provat materiale të siguruara nga SPAK janë disa përgjime, pamje filmike dhe vëzhgime në terren të të dyshuarve për disa javë. Atyre u janë sekuestruar telefonat celularë, u është kryer kontroll banesë ndërsa prokurorit Hasa i është sekuestruar edhe kompjuteri i zyrës.
Hetimet janë kryer nga prokurori i SPAK Altin Dumani. Rasti i arrestimit nga radhët e njerëzve të drejtësisë nuk është i vetmi, pasi në shkurt të këtij viti SPAK vuri në pranga teksa po jepte një vendim, kundrejt një shumë parash, gjyqtarja e Krujës Enkelejda Hoxha.
Njoftimi i plotë nga Spak
Prokurori i Sarandës Sali Hasa
Bledar Hajredini, zyrtar i klubit sportiv SHS “Përmeti”
VIDEO raportimet e gazetarëve Arsen Rusta dhe Limos Didani
Prokurori i në Prokurorinë pranë Gjykatës së Shkallës së Parë në Sarandë, Sali Hasa, është prangosur ditën e sotme nga SPAK me akuzën për korrupsion. Burime për Report Tv bëjnë me dije se disa vite më parë Sali Hasa ka qenë efektiv policie dhe më pas drejtues i Komisariatit të Peqinit. Për disa kohë, Hasa ka qenë edhe në krye të Prokurorisë së Sarandës.
Nga një kërkim i thjeshtë në internet rezulton se ndaj Sali Hasës është kryer një hetim disiplinor nga KLP, pas ankesave dhe informacioneve të marra për abuzime dhe qëndrim jo korrekt në detyrë.
Po ashtu në media emri i tij është lakuar pasi qyetarë të ndryshëm janë ankuar se mban peng hetimin e dosjeve. Sakaq një grup banorësh të fshatit të Kakomesë kallëzuan penalisht tre prokurorë mes tyre edhe Sali Hasën pasi sipas tyre po zvarrisin hetimin për vjedhjen e pronave të tyre në Kakome me dokumente false.
Prokurorët Lorenc Mërkuri, Ilir Hoxha dhe Sali Hasa sipas banorëve kishin në hetim çështje penale të vjedhjes së pronave të Kakomesë me dokumenta false dhe nuk marin masa duke dyshuar se janë bashkëpunim me krimin dhe akuzohen nga banorët e fshatit Nivicë.
Ky është momenti kur prokurori i Sarandës. Sali Hasa është shoqëruar nga policia, pasi u prangos për korrupsion. me pranga në duar Hasa shoqërohet nga efektivët e policisë, ndërkohë që është sjellë drejt Tiranës mbrëmjen e kaluar. Të hënën pritet që t'i komunikohet masa e sigurisë.
Sali Hasa prokurori që u vu ditën e sotme në pranga nga SPAK, kishte kandiduar për garën si drejtues i Prokurorisë së Sarandës. Por Hasa ishte tërhequr në muajin maj pasi nuk plotësonte kushtet. Në atë kohë KLP kishte ndërprerë verifikimet e pasurisë për prokurorin Hasa.
Vendimi KLP për ndërprerjen e verifikimit të pasurisë për Sali Hasën
Pas arrestimit të prokurorit të Sarandës Sali Hasa, me urdhër të SPAK është kryer edhet kontrolli i zyrës së prokurorit. SPAK ka sekuestruar kompjuterin e prokurorit, ndërkohë që ky i fundit është shoqëruar nga policia drejt Tiranës, ku do të merret në pyetje.
Detaje të reja janë zbuluar për arrestimin e prokurorit të Sarandës, Sali Hasa. Burime për gazetarin Report Tv, Arsen Rusta bëjnë me dije se SPAK ka nisur hetimet në shkurt të vitit 2020 për një grup të strukturuar kriminal që kryente trafik drogë, e cila çoi në zbulimin e korrupsionit tek zyrtarët e drejtësisë dhe trukimet e ndeshjeve.
Por gjatë përgjimeve dhe vëzhgimeve në terren është konstatuar se motra e një të arrestuarit kishte kërkuar që të pushonte një çështje për vëllain e saj, kundrejt ryshfetit.
Hetimet për prokurorin Sali Hasa, kanë zbuluar edhe rastin e trukimit të ndeshjeve në kategorinë e dytë, konkretisht për ndeshjen Selenica-Përmeti, e cila është lujtur me datë 1 mars 2020, ku nga përgjimet ka rezultuar se ishte e paracaktuar.
Hetimet janë kryer nga prokurori i SPAK Altin Dumani.
Emri i prokurorit Sali Hasa, i cili u prangos sot me urdhër të SPAK me akuzën e korrupsionit, është dëgjuar edhe më parë në media. Vetëm pak kohë më parë një qytetar denonconte në një emision investigativ se prokurori po i mbante peng çështjen dhe rrezikonte që të paguante deri në 50 milionë lekë gjobë.
Julian Delvina, i cili thotë se i kanë vjedhur ID në vitin 2016 dhe është përdorur, për të shmangur tarifat doganore, duke futur makina të 2015-ës si të 2005-ës me dokumente të falsifikuara. Pas një verifikimi në sistemin Tims, rezulton, se Julian Delvina, nuk ka kaluar në pikat doganore, ku janë zhdoganuar makinat. Gjithashtu akt – ekspertimi kaligrafik tregon, se firma në procedurën e zhdoganimit të mjeteve, nuk është e Julianit.
Prokurori Sali Hasa ka bërë akt ekspertimi të nënshkrimit të Julian Delvinës dhe rezulton, se firma dhe nënshkrimi nuk i përkasin shtetasit Julian Delvina. Por prokurori Sali Hasa nuk ka marrë deklaratën e agjentit doganor, Ilir Iliazi, i cili ka bërë veprimet e zhdoganimit të mjetit. Në këto kushte, gjoba e doganës 50 milionë lekë për shmangie të detyrimeve, i është faturuar Julian Delvinës pa të drejtë, pasi çështja rri peng në prokurorinë e Sarandës.
Komente
Lajme të tjera
-
Simon Hadaj: Çfarë di Dumani që e tmerron Sali Berishën?
22 Dhjetor, 18:11
-
SPECIALE/ Mjalti, biznesi i ëmbël që prodhon produkt të shtrenjtë
22 Dhjetor, 18:05
-
Selenicë/ 77 vjeçari prej vitesh jeton në godinë të rrënuar, Report Tv apel për ndihmë shërbimit social e bashkisë
22 Dhjetor, 14:59 -
Konispol, sherr mes disa të rinjve, dy të plagosur me sende të forta
22 Dhjetor, 12:41 -
I vodhën me dhunë portofolin 66-vjeçarit, arrestohen 2 të miturit në Vlorë
22 Dhjetor, 11:59 -
Himarë, hipotekohen shtëpitë e trashëguara, Rama garanton: Do japim dhe AMTP-të! Parkim nëntokësor tek Fusha e Sportit, ndërhyjmë në Borsh
22 Dhjetor, 11:20 -
Festat sjellin shqiptarët në Atdhe/ Fluks në portin e Vlorës, Durrësit, Kakavijë dhe Kapshticë (VIDEO)
22 Dhjetor, 08:59
-
Mero Baze: Pse Flamur Noka po betohet se 'nuk merret peng'?
21 Dhjetor, 20:38
-
'Djathtas 1912' partia e parë që deklaron votën: Jemi pro zgjatjes së mandateve të prokurorëve të SPAK! 70% e qytetarëve e mbështesin, i vetmi që lufton korrupsionin
21 Dhjetor, 18:00 -
Ish-gjyqtarja Fetahu i kërkon nga qelia Gjykatës së Lartë rrëzimin e masës ‘arrest në shtëpi’ të vendosur ndaj saj në gusht
21 Dhjetor, 17:27 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Ekskluzive/ Neandertalët në Vlorë! Si u gjetën materialet e rëndësishme që ndryshojnë historinë për Shqipërinë
21 Dhjetor, 16:04
Ky prokurori nga pamja te marka ne qafe,duket si ndonje akademik,por nga brenda qenka i kalbur deri ne palce!!
PërgjigjuSali erdhe nga fshatrat e Kavajes student dikush thoshte a e ka gjatesine e duhur Ky njeri sepse duhej te ishte 1.70 Nuk u takuam asnjehere mbas shkolle lexoja shume gjera per Ju qe ishit bere dikushi Tani mendoj se nuk ishe dhe nuk je askushi !
PërgjigjuNje hap perpara . . Nuk i kapni dot te gjithe njehereshi, po dhe te shesin ment me makina,shpi e prona kta qe jan nenpunes publik s behet me
PërgjigjuPo granit cakerri ne vlore kur e ka radhen ?
PërgjigjuGhynahi zotit me u marre me kta,ca asht ka ban ne krahasim me tjert,pshesh me kos a ka han.Ky me 700 munime mexi i ka dal mujorja 5 mije €.
PërgjigjuLajm shume i mire. Reforma ne drejtesi po funksionon. Asnje meshire per shkelesit e ligjit dhe pasurite e kusarive te tyre.
PërgjigjuPas 3 ditesh jan ne arrest shtepie e pas 1 muaji jan te lire.Kjo esht Shqiperia
PërgjigjuEh sa Sali Hasa ka Shqiperia. Operativ i Sigurimit para 90, e pastaj polic, e shef krimesh, e prokuror e shef prokurorie. Hap gojen e trego Sali te gjithe emrat e medhenj qe te kane kerkuar favore. E shikon si vjen ditandhebte fusin goshtin shoket....
PërgjigjuKto lloi bura leshi duhet tju konfiskohwt e gjith pasuria që kan vjedhur e duhen fut në burg. Kto lloi vemjesh e kan shkatruar Shqiprin.
Përgjigjupo nuk arrestuat koken e korrupsionit qe e keni ne presidence ky ven do mbese prapa me shekuj te tere
Përgjigjusa ka si ky hasa jan pafund…. ka prokurore dhe gjykatsa pafund qe mbajn peng njerzit ne drejten e tyre… spak zgjohu se lista esht shume e gjate
PërgjigjuKy Sali Hasa, dhe mua me ka mbajtur peng makinen qe ma kishin vjedhur, dhe me pa pike turpi, thoshte sta jap sa te mbledhe provat ingezistente qe skishte as te dyshuar asgje per vjedhje. pfff palaco burre
PërgjigjuSa me shpejt aman sa me shpejt
Përgjigju