Arrestohet specialisti i ÇEZ,
manipulonte matësat e energjisë

TIRANË - Arrestohet në kryeqytet një specialist i ÇEZ, Semidion Daja, i dyshuar për korrupsion pasiv të personave që ushtrojnë funksione publike. Sektori Kundër Krimit Ekonomi dhe Financiar pas një hetimi disa mujor, në kuadër te operacionit te koduar “Faturuesit” bënë të mundur identifkimin dhe më pas  arrestimin në kushtet e flagrancës së shtetasit Semidion Sebastian Daja, 24 vjeç, lindur në Berat e banues në Tirane, me detyre punonjës i kompanisë ÇEZ Shpërndarje Tiranë.
 
Arrestimi i i tij u krye pasi përgjatë kryerjes së një hetimi intensiv rezultoi se ai ka ndërhyrë në matësat elektrikë të familjeve të ndryshme, duke bërë të mundur që shuma e kilovatëve për t’u paguar të jetë më e vogël se ajo që shpenzohej realisht.
 
Gjatë shtrirjes së mëtejshme të këtij procedimi penal u konklua se 24 vjeçari për çdo ndërhyrje në matësat elektrikë, përfitonte nga familjarë të ndryshëm nga 30.000 lekë.
 
Aktualisht hetimi po vazhdon edhe per punonjës të tjerë të përfshirë ndërsa materialet ju kaluan Prokurorise se Rrethit Gjyqesor Tiranë. Neni 259 i K. Penal.
 
Redaksia online
(ar.sh/shqiptarja.com)