POP 5

Lajmet më të lexuara të 5 minutave të fundit

Kosova & Rajoni

Po afrohet marrëveshja për qeverinë e re në Kosovë, Osmani: Bashkë me Kurtin

Të buzëqeshur dhe në një zë, kandidati për kryeministër të Kosovës Albin Kurti dhe Vjosa Osmani kanë deklaruar se në parim kanë arritur marrëveshjen për të krijuar qeverinë e re. Kurti dhe Osmani nuk dhanë shumë detaje në lidhje me emrat dhe postet, por theksuan se dy partitë po punojnë për harmonizimin e programit, ndërsa qeveria do të jetë më e vogël se ajo që ka qenë, pasi do të ketë shkurtime në nivel ministrash dhe zv/ ministrash, ndërsa 30% do të jenë gra.

Po afrohet marrëveshja politike mes Lëvizjes Vetëvendosje dhe LDK-së për qeverisjen në Kosovë pas zgjedhjeve parlamentare të parakohshme të 6 Tetorit. Vjosa Osmani deklaroi pas takimit me Albin Kurtin paraditen e sotme se kanë rënë dakord në parim për të qeverisur bashkë, ndërsa për marrëveshjen finale do të pritet deri në zyrtarizimin e rezultatit nga KQZ-ja.

"Ne sapo zhvilluam takimin për diskutuar bashkëpunimin pas një procesi të mirë. Kemi diskutuar në nivel parimeve. Të dy partitë treguan vullnetin e mirë për të qeverisur bashkë. Ka disa gjëra me të cilat filluam diskutimeve, sa i përket një qeverie që do të reduktohet sa i përket numrit të ministrive, por do të rritet sa i përket punës së mirë që do të bëhet. Iu mbetet partive që diskutohen për detajet. Po presim edhe numërimin e të gjitha votave, para se ta arrijmë marrëveshjen finale. Ka vullnet të mirë në të dy partitë” tha Osmani.

Ndërsa kandidati për kryeministër të Kosovës, Albin Kurti theksoi se pasi ranë dakord për qeverisjen, dy partitë Vetëvendosja dhe LDK-ja do të ulen për të harmonizuar programet. Kurti theksoi se qeveria e re do të jetë më e vogël, ndërsa do të shkurtohet edhe numri i zv. ministrave. Kurti tha se nuk kanë biseduar në takimin e sotëm me Osmanin për ndarjen e posteve.

“Pazare politike keni parë me PAN-in, qeveria e re do të ketë transparencë. Natyrisht që Kosova ka humbur shumë kohë, dhe pritjet e qytetarëve janë shumë të larta. Dhe pa humbur kohë në filluam bisedimet duke u nisur me idenë e përbashkët për qeveri sa më efikase dhe shtet sa më të fuqishëm. Ne duam që ti dalim zot nevojave të qytetarëve dhe ta orientojmë shtetin nga zhvillimi e demokracia.

U dakorduam që të kemi një qeveri prej 30 për qind të përfaqësimit gjinor minimalisht do të jenë 30 për qind gra edhe në mesin e ministrave dhe zv ministrave. Do të kemi shumë më pak ministri e shumë më pak zëvendësministra. Ekipet tona do të takohen për të harmonizuar programet e projektet tona. Ne kemi diskutuar se si do t’i zvogëlojmë bashkojmë përgjegjësitë në kabinetin qeveritar. Porsa ta kemi rezultatin konkret  ne do të ju njoftojmë për emrat e përveçqë në qeverinë e ardhshme" deklaroi ai.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Adi: 10/10/2019 14:00

    Urime Kosovo se ne shqipetaret buk behemi kurre Bashir.. ne te shqiperise se kemi Serb ne qeveri qysh nga koha Enver Hoxhes na qeveris Tito and co

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça