Arriti objektivin, por Partizani i druhet Kastriotit! Mehmeti: Mund të na dëmtojë! Josa debuton të shtunën: Vllaznia do ndryshojë stilin e lojës

Të shtunën në orën 17:00 luhet java e parafundit e Superligës, me Partizanin që luan kundër Kastriotit dhe objektiv ka Kupat e Europës. Në rast fitoreje të kuqtë e Mehmetit do siguronin vendin e tretë, por këtë herë duhet t’ia dalin pa tifozët, të cilët janë dënuar nga Komisioni i Disiplinës. Thikë me dy presa është Kastrioti që prej javësh ka arritur objektivin e mbijetesës.

“Të tilla skuadra që luftojnë për një objektiv siç jemi ne dhe Kastrioti që nuk ka asgjë për të humbur luajnë pa presion. Për këtë arsye futbolli është gjithmonë i paparishikueshëm, duke mos luajtur pa presion. Ndoshta edhe mund të na dëmtojë,”-u shpreh Dritan Mehmeti, trajner i Partizanit.

“Ekipi është i motivuar për këtë ndeshje pavarësisht se ne i kemi arritur objektivat 5 javë më parë. Stafi ka vendosur që të aktivizojë të rinjtë. Siç na kanë ndihmuar ata ne kur luajtëm e kundërta do ndodhë tani. Shpresoj të dalim faqe bardhë,”-deklaroi Adolf Selmani, futbollist i Kastriotit.

Rivali i të kuqve është Vllaznia, që këtë javë emëroi Mirel Josen si trajner. Shkodranët presin Egnatian në ‘Loro Boriçi’.

“Do mundohem që ndeshjen e parë ta kemi me disa ndryshime që s’kanë të bëjnë me personat, por me mënyrën e lojës dhe si interpretohet kjo lojë,”-tha Mirel Josa, trajner i Vllaznisë.

Tre ndeshjet e tjera që luhen në orën 17:00 janë Dinamo-Tirana, Kukësi-Skënderbeu dhe Teuta-Laçi.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Çmimet e hidrokarbureve, a po i mbron Bordi i Transparencës interesat e qytetarëve?



×

Lajmi i fundit

Autobusi i linjës Durrës-Porto Romano u përfshi nga flakët, kreu i PD Cara: Pasoje e gjendjes së mjeruar të transportit publik

Autobusi i linjës Durrës-Porto Romano u përfshi nga flakët, kreu i PD Cara: Pasoje e gjendjes së mjeruar të transportit publik