POP 5

Lajmet më të lexuara të 5 minutave të fundit

Kronikë

Nis sot aksioni i ARRSH për mbylljen e hyrje-daljeve të rrezikshme në akset rrugore të vendit, nga 1300 prej tyre, vetëm 60 të licensuara

Autoriteti Shqiptar Rrugor (ARRSH) ka nisur ditën e sotme aksionin në të gjithë rrugët e vendit për të mbyllur hyrjet dhe daljet e rrezikshme të cilat nuk plotësojnë kriteret sipas standardeve e duke u kthyer në burim aksidentesh. Ky aksion do të nisë nga qafa e Kasharit dhe do të shtrihet në drejtim të Durrësit.

Autoriteti Shqiptar Rrugor (ARRSH) ka nisur ditën e sotme aksionin në të gjithë rrugët e vendit për të mbyllur hyrjet dhe daljet e rrezikshme të cilat nuk plotësojnë kriteret sipas standardeve e duke u kthyer në burim aksidentesh. Ky aksion do të nisë nga qafa e Kasharit dhe do të shtrihet në drejtim të Durrësit.

Sipas ARRSH, ky aksion konsiston në mbylljen me mbrojtëse anësore metalike dhe hapjen e kanaleve anësore të mbyllura në mënyrë të paligjshme nga ana e bizneseve në anë të rrugës.

Për ato biznese që plotësojnë kriteret për të vijuar me ushtrimin e aktivitetit të tyre, por që nuk janë pajisur me autorizimin përkatës për hyrje-dalje, duhet të përgatisin dokumentacionin dhe të aplikojnë tek e-Albania. Sipas ARRSH, çdo projekt që do të paraqitet për hyrje-dalje, duhet të jetë i shoqëruar me një Raport Auditimi të Sigurisë Rrugore të përgatitur nga auditues i certifikuar.

Në një intervistë për ‘Report Tv’ kreu i ARRSH-së, Evis Berberi ka bërë me dije se nga 1300 subjekte që kanë akses në akset nacionale në vend, vetëm 60 prej tyre janë të licencuara dhe kanë marrë leje për përdorimin e rrugës. Sipas Berberit, të gjitha bizneset janë lajmëruar për këtë aksion, ndërsa të gjithë aplikueve do tu jepet leja në rast se plotësojnë standardet e kërkuara.

Sipas verifikimeve të kryera, 4 akset më problematike janë Shkodër-Hani i Hotit me 224 hyrje-dalje dhe asnjë me leje, Tiranë-Durrës me 299 dhe vetëm 31 me leje, Skuraj-Burrel-Peshkopi me 163 dhe asnjë me leje dhe Rrogozhinë Lushnje me 126 dhe vetëm 7 me leje.

 

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • @Kritik Absolut: 27/11/2021 20:44

    Je fiks shoku.Ajo te klubi shoferit ishte turpi madh,Jetojm ne nje vend me shtet prej leshi

    Përgjigju
  • Loni: 27/11/2021 15:33

    Ky Po qe eshte arritje e qeverise... Urime! Me te vertet nje pune edhe nje studim I mire uroj qe te zbatohet Jo veten ne letra...

    Përgjigju
  • KritikAbsolut: 27/11/2021 12:42

    Bllokojini sot se so hapen te merkuren perseri. Para 3 javesh mbyllet me shume buje kryqezimin te klubi shoferit dhe u zbythet te nesermen duke e hapur perseri. Jeni qeshake si shtet dhe beni trimin/ligjvenes vetem me fukarenjte dhe ata pa mbeshtetje

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kjo Krishtlindje është ftesë për të përjetuar magjinë... Çfarë thonë yjet për ju sot

Kjo Krishtlindje është ftesë për të përjetuar magjinë... Çfarë thonë yjet për ju sot

25 Dhjetor, 07:26