Opozita ka kërkuar që përveç seancave dëgjimore me ministren e arsimit, Lindita Nikollën të shtohen seancat edhe me grupet e interest, duke bërë kështu që diskutimet për këtë ligj të nisim nga e para.
“Per dekretin e presidentit te perfshihet ne kalendar kerkesa e grupeve te interesit per tu bere pjese e seancave degjimore” u shpreh Boçi.
Ndërsa deputeti i Partisë Socialiste, Fatmir Toçi ka replikuar në distancë duke thënë se seancat konsultuese janë të mjaftueshme vetëm me ministren Nikolla.
“ Per grupet e interesit kjo çështje është ezauruar. Për të diskutuar për ligjin e arsimit të lartë është e mjaftueshme seanca me ministren Lindita Nikolla” –u shpreh Fatmir Toci.
Ligji për Arsimin e Lartë ka hasur në kundërshtinë e një pjese të pedagogëve dhe ka shkaktuar një valë protestash në radhët e studentëve të universiteteve publike. Qeveria është mbrojtur me argumentin se ky ligj do të rikthejë cilësinë dhe konkurrencën në sistemin e arsimit të lartë në Shqipëri. Ndërsa vetë presidenti Nishani ka zhvilluar takime me petagogë, rektorë të universiteteve për të diskutuar ligjin e arsimit të lartë.
Redaksia online
(o.m/shqiptarja.com)