Përmes një postimi me  video në Facebook  shefi i qeverisë kujton se në vitin 2013 ishin 4 mijë mësues të punësuar pa arsimin përkatës  ndërsa 600 tekste ishin me probleme të rënda  që dëmtonin rreth 480 mijë nxënës  ndërsa Shqipëria ishte ndër vendet e  fundit për rezultatet e 15 vjeçarëve.
 
Por reforma në arsim dha rezultate e  saj. Sipas kryeministrit Edi Rama  në vitet 2014-2016  u reformua kurrikula , 600 tekste deformuese u zëvendësuan me ato te Oxford, Cambridge.
 
Gjatë kësaj periudhe, sipas kryeministrit u punësuan mësuesit në bazë të meritës ndërsa 4 mijë mësues testohen cdo vit e punësohen në bazë të pikëve që ata marrin.
 
Kjo reformë rrënjësore  sipas kryeministrit jep frytet e para , ku PISA 2015   e rendit Shqipërinë në një pëmirësim të dukshëm duke lënë për herë të parë 21 vende pas ndërsa 15 vjeçarët rrisin dukshëm rezultatet e tyre.
 
Kjo arritje u përshëndet edhe nga komisioni europian i cili vlerëson se kjo është bërë e mundur falë reformës në sistemin arsimor- thuhet në video mesazhin e kryeministrit.