Drejtori i Përgjithshëm i Kadastrës Artan Lame në prag të festave të fundvitit i ka dorëzuar Arqidioqezës Metropolitane Shkodër- Pult 7 (shtatë) leje legalizimi përkatësisht për objektin e kultit (kishë) dhe objekteve të tjera rreth saj si: kopshti i fëmijëve, qendra kulturore, qendra sportive, qendra katekistike, shtëpia e priftit dhe shtëpia e miqve të ndërtuara rreth 20 vite më parë në Pulaj, Velipojë. Zyra e shtypit të Kadastrës thotë se këtë leje drejtori ia dorëzoi famulltarit të Velipojës Don Marian Gega. Gjithashtu ju dorëzua leja e legalizimit për Kuvendin e Motrave Franceskane të Dillingenit, Motër Maria Heidel. Vetëm këto objekte janë ndërtuar në rreth 15.000 metra katror sipërfaqe.
Po në këtë aktivitet Drejtori Artan Lame shpërndau edhe 100 leje legalizimi për banorët e Velipojës. Para se të fillonte shpërndarjen, Lame u ndal pak tek siguria e ndërtesave që u legalizuan. Ai ju kërkoi qytetarëve që të rishikojnë objektet e tyre për të bërë forcimin e duhur, pasi tërmeti i shtatorit dhe i nëntorit dëshmoi se shumë objekte informale nuk ishin bërë në cilësinë e duhur. Ndërsa theksoi se vetëm nëpërmjet legalizimit mund të bënin të mundur edhe sigurimin e banesës apo biznesit.
“Pasi të merrni lejen e legalizimi bëni një verfikim të ndërtimit që keni! Shikoni problemet e fshehta me ndërtimin! Nuk duhet të harrojmë në asnjë moment se cfarë na kujtoi tërmeti i shtatorit dhe i nëntorit. Duhet që herë pas herë të bëjmë një kontroll për qëndrueshmërinë. Kjo vlen në përgjithësi për banesat, por vlen në mënyrë të vecantë për ato që i përdorin në funksion të të tjerëve (hotele). Institucionet shtetërore janë në dispozicion për të bërë verfikimin e ndërtesave, pasi të përmbyllet procesi i legalizimit dhe për ato objekte që përmbyllin procesin e legalizimit dhe ju hapet mundësia për të marrë një leje ndërtimi për të bërë shtesa. Sa më shpejt në të përmbyllim procesin e legalizimit aq më shumë ndihmojmë në këtë proces për certifikimin e ndërtesave”, u shpreh Lame.
Ai ju kujtoi qytetarëve, që ende nuk e kanë përfunduar procesin, të interesohen për të plotësuar dokumentacionin që nevojitet. “Velipoja përballon aktualisht një pjesë të mirë të turizmit vendas. Sa më shumë të përmirësohet situata, aq më mirë përballohet edhe niveli i shërbimit dhe i cilësisë në zonën turistike. Për zonat që kanë mbetur në Velipojë, ne po shkojmë drejt mbylljes së procesit të legalizimit. Unë do ju thoja vetëm një gjë: Procesi i legalizimit është tërësisht i shkëputur nga procesi i certifikimit të ndërtesës, nëse mban apo nuk mban. Legalizimi ju shërben për tju pajisur më dokument pronësie, të cilin mund të përdorni për të marrë një leje ndërtimi për të plotësuar objektin, për ta shitur, për ta blerë, pra për ta futur në qarkullim. Ju lutem flisni me ata që janë ende në proces thuajni: Ja ne ku i kemi letrat, shkoni plotësoni dokumentacionin për të finalizuar legalizimin”, bëri thirrje drejtori i Përgjithshëm.
Komente
Lajme të tjera
-
Ish drejtoresha e Kadastrës Durrës akuzohet se pastronte paratë e vëllezërve të dënuar për drogë në Belgjikë , çfarë deklaronte në gjykatë: Me Besjanin kam një djalë, që nuk ia njeh atësinë
25 Tetor, 10:32 -
Legalizimet edhe në dorë të bashkive, PL: Presion për vota
12 Tetor, 19:30 -
Bashkia e Tiranës dhe Kadastra marrëveshje bashkëpunimi për legalizimin e ndërtimeve pa leje! Miratohet në Këshillin Bashkiak pa votat e opozitës
9 Tetor, 08:52 -
Dallëndyshe Bici largohet nga drejtimi i Kadastrës, rikthehet tek IKMT! Ja kush është drejtuesja e re e Kadastrës
31 Korrik, 10:25 -
Rama: Sulm i organizuar për goditjen e turizmit, Vlora e Saranda rritje absurde çmimesh! Bashkitë do përfshihen në procesin e legalizimit, prioritet banesat
17 Korrik, 07:26 -
Artan Lame: Mbyllja e portës
13 Korrik, 15:52
-
Leje legalizimi në këmbim të votës, Artan Lame 2 orë në SPAK, vartësit e tij legalizime dhe punësime pas votës për PS
27 Qershor, 13:00 -
Leje legalizimi për të votuar PS në 2019, ish kreu i Kadastrës Artan Lame 2 orë e gjysmë në SPAK: Isha si person në dijeni
26 Qershor, 15:00 -
Mrekullia e Rilindasve
1 Maj, 17:36
-
Legalizuan pallatin pa leje në Lezhë, Prokuroria dërgon për gjykim 4 zyrtarët e Kadastrës
5 Prill, 11:00
-
Artan Lame: Arrat 'Gucci'
1 Janar, 19:28
-
'Luftëtari Arnaut', Serbia blen tablonë me temë shqiptare! Ironia e Lames: Vuçiç nuk vajti me çorape në kokë ta vidhte në Londër
13 Nëntor 2023, 18:28
SI I JEP keto leje o artan,,,as e ke pare projektin,,,as ke dhene leje nga bashkia per keto kasolle,,,as e di sesi jane ndertuar me kushte teknike,,pa project urbanistik,,as e di a jane ndertuar ne toka pronaresh apo jo,,..///komplet procesi legalizimit eshte I paligjshem,,edhe shtepite jane te paligjshme…//
Përgjigju