POP 5

Lajmet më të lexuara të 5 minutave të fundit

Media

Artikujt kundër korrupsionit, çmime
gazetarëve të 'Koha Ditore' e 'Zëri-t'

Tre gazetarë, dy nga media kosovare “Koha Ditore” e një nga “Zëri” janë shpërblyer me çmimin për artikujt më të mirë kundër korrupsionit për këtë vit në shtypin e shkruar
Artikujt kundër korrupsionit, çmime<br />gazetarëve të 'Koha Ditore' e 'Zëri-t'
PRISHTINE - Tre gazetarë, dy nga media kosovare “Koha Ditore” e një nga “Zëri” janë shpërblyer me çmimin për artikujt më të mirë kundër korrupsionit për këtë vit në shtypin e shkruar, kurse për historinë më të mirë në televizion dhe internet janë shpërblyer tre gazetarë të JnK. Secili nga këta shpërblehet me nga një mijë euro.

Ndërsa Besnik Krasniqi e Vehbi Kajtazi të “Kohës Ditore” u shpërblyen për shkrimin “Thaçi e bën zv. ministër të akuzuarin për vepra kriminale”, përkatësisht “Pacolli shkel ligjin me investimet në Nigeri”, gazetari i “Zërit”, Jeton Llapashtica, çmimin e mori për temën “MPB-ja avullon 1.4 milion euro.

Për historinë më të mirë televizive, “Mitmarrja në Polici”, u shpërblye gazetarët e “Jeta në Kosovë”, Alban Selimi dhe Kreshnik Gashi, ndërkaq çmimin për atë në internet e ka fituar Parim Olluri, po ashtu i “Jeta në Kosovë”.

Drejtori i Asociacionit të Gazetave Profesionit të Kosovës, Imer Mushkolaj, ka thënë se në garë për këto çmime kanë qenë 28 gazetarë me më shumë se nga një paraqitje.

Ndarja e çmimeve antikorrupsion këtë vit është bërë për të shtatën herë me radhë, ndërsa u organizua bashkërisht nga Asociacioni i Gazetarëve Profesionistë të Kosovës (AGPK), Agjencinë Kosovar Kundër Korrupsionit (AKKK) dhe Programin e Kombeve të Bashkuara për Zhvillim (UNDP).

*Marrë nga Koha Ditore

(Gre.M/Shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Dita e Pavarësisë/ Berisha i lirë, por rri në shtëpi! Në Vlorë shkojnë deputetët

Dita e Pavarësisë/ Berisha i lirë, por rri në shtëpi! Në Vlorë shkojnë deputetët

28 Nëntor, 15:43