POP 5

Lajmet më të lexuara të 5 minutave të fundit

Politikë

Arvizu-Gjiknurit: Do të ndihmojmë
në çdo formë qeverinë e re

Në kuadër të takimeve me ministrat e kabinetit të ri Ambasadori i SHBA-së takoi sot paradite Damian Gjiknurin, e zgjedhur për postin e ministrit të Energjetikës dhe Industrisë. Arvizu: Të vendosur të punojmë me Qeverinë e re të Shqipërisë.
Arvizu-Gjiknurit: Do të ndihmojmë<br />në çdo formë qeverinë e re
TIRANE-  Ambasadori i SHBA-së Aleksandër Arivu zhvilloi sot paradite një takim me Damian Gjiknurin, e zgjedhur nga kryeministri i ardhshëm Edi Rama, për postin e ministrit të Energjetikës dhe Industrisë. Takimi nisi në orën 11: 00 minuta.

Takimi i zhvilluar në selinë e PS-së, zgjati rreth 60 minuta.

Pas përfundimit të takimit, si Arvizu dhe Gjiknuri u treguan të rezervuar në lidhje me bisedën që u zhvillua mes tyre por nënvizuan bashkëpunimin mes SHBA-së dhe Qeverisë së re.

“Vazhdojmë konsultimet me njerëzit që do të jenë pjesë e qeverisë së re. Mbetemi të vendosur të ndihmojmë dhe të asistojmë me çdo formë qeverinë e re”- tha Arvizu.

”Ishte një takim i frytshëm. Shtruam disa piketa dhe shfaqëm vizionin dhe problematikën në sektor. Besojmë në mbështetjen e SHBA-së”- tha Gjiknuri.

Arvizu nuk iu përgjigj pyetjes se çfarë ndihme mund të japë Shqipëria në konfliktin e Sirisë.
 
Ky nuk është takimi i parë i ambasadorit amerikan me drejtues të qeverisë së re. Pak ditë më parë ai takoi edhe dy ministra të tjerë të zgjedhur nga PS-ja, Saimir Tahirin për ministrinë e Brendshme dhe Mimi Kodhelin për ministrinë e Mbrojtjes. Po ashtu, ai ka zhvilluar një takim edhe në LSI, me ministrin e ardhshëm të drejtësisë, Nasip Naço.
 
Arvizu-Gjiknuri
(Në foto, Ambasadori Arvizu dhe Ministri i ardhshëm i Energjitikës Damian Gjiknuri)

Arvizu-Gjiknuri

Redaksia online
(s.g/arsh/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça