POP 5

Lajmet më të lexuara të 5 minutave të fundit

Politikë

Arvizu: Reforma në gjyqësor 
urgjencë! PD duhet të përfshihet

Ambasadori Amerikan Aleksandër Arvizu, ka dhënë mesazhin e gjithëpërfshirjes dhe pjesëmarrjes së opozitës në procesin e reformave në KLD dhe institucionet e tjera të drejtësisë. Deklarata u bë pas një takimi që Arvizu pati me Oerd Bylykbashin, Eduart Halimin dhe Flamur Nokën, në selinë e PD. "Këndvështrimi është se duke pasur parasysh sfidat, qasja më perfekte do të ishte ishte ajo gjithëpërfshirëse" VIDEO
Arvizu: Reforma në gjyqësor <br />urgjencë! PD duhet të përfshihet
TIRANE - Debatet, ngërçi dhe kalimi i projketligjeve për organizimin e Këshillit të Lartë të Drejtësisë dhe për institucionet e tjera të drejtësisë në Komisionin e Ligjeve vetëm me pjesëmarrjen dhe votat e maxhorancës, ka qenë motivi i vizitës së Ambasadorit Amerikan, Aleksandër Arvizu në selinë e Partisë Demokratike, nga ku ka dhënë mesazhin e gjithëpërfshirjes dhe pjesëmarrjes së opozitës në proces...duke nënkuptuar dhënien fund të bojkotit dhe pjesmarrjen në Parlament për diskutimin dhe votimin e këtyre projektligjeve të rëndësishme.

“Jam takuar me deputetët demorkatë, Eduard halimi, Flamur Noka dhe Oerd Bylykbashi. Fokusi kryesor ka qënë mbi reformën gjyqësore. Sa i përket pozicionit të tyre duhet të pyesni ata. Ne si SHBA biem dakord që reforma gjyqësore është një përparësi, përfshirë dhe KLD i cili del shpesh në lajme, duke parë performancën e babarabartë të KLD, ndaj duhet të jetë pjesë e këtij diskutimi. Në kërkojmë gjithëpërfshirje, pjesëmarrja të plotë në parlament të opozitës si dhe konsultime me të gjithë aktorët si Komisioni i Venecias, Euralius, OSBE. 

Këndvështrimi është se duke pasur parasysh sfidat, qasja më perfekte do të ishte ishte ajo gjithëpërfshirëse”, -tha Arvizu.

Në muajt e fundit janë konsoliduar akoma më shumë në kampet e tyre të një lufte të ftohtë, Ekzekutivi dhe Institucionet e Drejtësisë dhe gjyqësorit ku shumicën e kanë anëtarët e zgjedhur në legjislacionin e kaluar. 

Ekzekutivi kërkon të reformojë sistemin e drejtësië, një nga pikat e dobta përsa i përket nivelit të korrupsionit dhe besueshmërisë edhe në raportet ndërkombëtare. Kampi tjetër, i përkrahur dhe nga opozita e konsideron si një betejë Donkishoteske për të zaptuar këto institucione të pavarura.

Brenda 5 ditëve në komisionin e Ligjeve ka kaluar 2 herë drafti për organizimin e KLD-së, ndërsa rrëzimi në Komisionin e Sigurisë të Dekretit të Presidentit Bujar Nishani që lidhet me emërimin e drejtuesve të Forcave të Armatosura, ka përkeqësuar akoma më shumë marrdhëniet mes pushteteve.
 
Redaksia Online
(Gre.M/Shqiptarja.com) 

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

E rëndë në Maliq, mjeti bujqësor përmbyset në rrugën e Moglicës, vdes 61-vjeçari që e drejtonte (EMRI)

E rëndë në Maliq, mjeti bujqësor përmbyset në rrugën e Moglicës, vdes 61-vjeçari që e drejtonte (EMRI)

25 Nëntor, 19:18