POP 5

Lajmet më të lexuara të 5 minutave të fundit

Sport

As Milan dhe as Juventus, agjenti i Donnarumma-s i ofron portierin Barcelonës! Juventus piketon Griezman si zëvendësuesin e Ronaldo-s

Mediat spanjolle shkruajnë se agjenti i portierit Donaruma ia ka ofruar futbollistin që i skadon kontrata në fund të sezonit Barcelonës. Ndërkohë një tjetër lojtar i katalanasve është në merkato. Bëhet fjalë për Griezman që mund të zëvendësojë Ronaldon te Juventusi.

Gigio Donnarumma është futbolllisti që ka premisat më të mëdha për të lëvizur në merkaton e verës, pasi portierit të Milanit në qershor i skadon kontrata me ‘djallin’ dhe bisedimet për rinovim deri më tani kanë marrë drejtimin e një rruge pa krye.

Sipas spanjolles AS së fundmi ka dalë një opsion i ri për 22-vjeçarin. Menaxheri i tij, Mino Raiola, ia ka ofruar lojtarin Barcelonës, që me presidentin e ri po mendon revulucionin. Problemi në këtë pikë janë vetëm paratë, por duke parë që Donnarumma mund të vijë me parametër zero Ter Stegen mund të nxirret në shitje për të kompensuar gropën financiare.

Sakaq deri më tani Donnarumma-s Milani i ka ofruar 8 milionë euro në sezon, ndërsa Juventus e ka çuar këtë shifër në 10. Shumë vendimtare do të jetë edhe tabela e renditjes në fund të kampionatit, pasi me shumë gjasa ose Milan ose Juventus do të jenë jashtë Champions League për sezonin e ardhshëm.

Po nga mediat spanjolle së fundmi është shkruar edhe për një lojtar tjetër të Barcelonës dhe në mes është prap Juventus. Duke parë që gjasat janë të shumta që Ronaldo të largohet ‘zonja’ po mendon për zëvendësuesin që deri në këto momente është zgjedhur Griezman.

Padyshim që vështirësia qëndron te paratë, por problem është edhe dëshira e francezit, i cili kërkon të dëmostrojë kapacitetet e tij te Barcelona, diçka e cila deri më tani nuk ka ndodhur.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Mars, 10:37

    Grupi i PS në listë të hapur, përveç drejtuesve politikë, si iu duket?

Lajme të tjera



×

Lajmi i fundit

Parashikimi i motit/ Reshje shiu, rrebeshe dhe erë e fortë në disa zona të vendit

Parashikimi i motit/ Reshje shiu, rrebeshe dhe erë e fortë në disa zona të vendit

11 Mars, 07:19