POP 5

Lajmet më të lexuara të 5 minutave të fundit

Sport

Asambleja e paligjshme zgjedhore e Dukës, katër vendimet që shkeli FSHF më 2 mars

Katër vendime gjykate shkeli dje Armand Duka dhe federata shqiptare e futbollit duke organizuar asamblenë e zakonshme zgjedhore. Për rrjedhojë edhe 15 marsi, kur sipas federatës pritet të zgjidhet presidenti i ri, është një datë e paligjshme dhe nuk dihet ende nëse do të lejohet mbajtja e zgjedhjeve.

Më 2 mars Federata Shqiptare e Futbollit shkeli hapur ligjin duke organizuar asamblenë e zakonshme zgjedhore pavarësisht se kishte kundër 4 vendime gjykate. Të gjitha si pasojë e manipulimeve të kryera nga federata e Dukës në lidhje me zgjedhjet në shoqatat rajonale të futbollit.

Vendimi i parë kundër FSHF-së i dhënë nga gjykata e Tiranës ishte më 17 shkurt pas padisë së një prej anëtarëve të shoqatës së Tiranës dhe asaj të Gjirokastrës, duke vendosur që të pezullojë asamblenë e 2 marsit, derisa të ketë një vendim të formës së prerë për manipulimet me shoqatat. Në të njëjtën ditë, me 17 shkurt, gjykata e Tiranës rrëzoi gjithashtu kërkesën e FSHF-së për pezullimin e gjyqtarëve të çështjes, duke e cilësuar këtë veprim si tentativë për të manipuluar vendimin për anulimin e asamblesë.

Si të mos mjaftonin kaq, më 24 shkurt gjykata urdhëroin përmbarimin të shkojë në zyrat e Federatës Shqiptare të Futbollit për t’u siguruar që nuk do të mbidhej asambeja zgjedhore; ndërsa po të njëjtën ditë me 24 shkurt, gjykata pranoi sekuestron e prokuororisë ndaj materialeve zgjedhore të FSHF-së.

Këto janë katër vendimet e gjykatës që anulonin asamblenë e 2 marsit, që si e paligjshme që ishte vendosi një tjetër datë të paligjshme për zgjedhjet, pra 15 marsin. Ende nuk dihet nëse do të njihet kjo data dhe nëse do të lejohet zhvillimi I zgjedhjeve për kreun e FSHF në 15 mars. Sipas ligjit kjo shkelje është vepër penale dhe dënohet nga 2-3 vite burg.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu