Asambleja e Partisë Socialiste/ Reagon Koçiu: Mirënjohje dhe falënderime për të gjithë anëtarët për mundësinë e dhënë

Foto: Albana Koçiu

Ministrja e shëndetësisë Albana Koçiu ka reaguar për herë të parë pasi u zgjodh anëtare e kryesisë në asamblenë e PS. Me anë të një postimi në facebook ajo ka falënderuar të gjithë ata që besuan te ajo.

"Partia Socialiste është familja e vetme politike në me ekipin, frymën dhe vizionin për një Shqipëri Europiane.

LEXO EDHE:
Trump apo Harris? Ja çfarë parashikon sondazhi i fundit për dy kandidatët në SHBA

Është një privilegj i madh për mua, dhe me vetëdijen për përgjegjësinë që sjell kjo detyrë, dua të shpreh mirënjohje të thellë dhe të falenderoj nga zemra të gjithë shoqet dhe shokët anëtarë të Asamblesë Kombëtare të Partisë Socialiste për besimin dhe mundësinë që më dhanë për të qenë pjesë e Kryesisë së kësaj force, për të kontribuar e çuar përpara vizionin e Kryeministrit dhe Kryetarit të Partisë Socialiste, Edi Rama.

Pres me padurim të fillojmë punën së bashku për objektivin e radhës, fitoren në zgjedhjet e ardhshme, për mandatin e katërt qeverisës, me bindjen se do të arrijmë rezultate të jashtëzakonshme për shqiptarët dhe vendin, duke ecur përpara më shpejt drejt objektivit për Shqipërinë 2030", shkruan Koçiu.

Lajmi kryesor:

Zgjidhet kryesia e re e PS-së, EMRAT që la jashtë Edi Rama, dhe kë fuqizon! VOTAT që morën anëtarët e rinj! Erion Braçe i pari

Xh.K/Shqiptarja.com