Federata Shqiptare e Futbolli ka zhvilluar sot Asamblenë e Zakonshme Vjetore në "Shtëpinë e Futbollit" në Tiranë. Fillimisht është mbajtur një minutë heshtje për të nderuar figurat të shquara të futbollit, të ndarë nga jetë pas Asamblesë paraardhëse: Sulejman Maliqati, Bujar Gogunja, Odisea Çipi dhe Nuri Bylyku.
Presidenti Armand Duka i dha fjalën ministres së Arsimit dhe Sportit, Evis Kushi. Veç të tjerash, Kushi përmendi bashkëpunimin me FSHF-në dhe ndërtimin e stadiumeve të reja në Korçë, Durrës dhe Vlorë, si edhe ai "Selman Stërmasi" në kryeqytet.
"E pranova ftesën sepse sporti ka marrë vëmendje të veçantë nga qeveria, e dëshmojnë shumë nisma. Do të theksoja vendimin për ndërtimin e tri stadiumeve. Kemi qenë me presidentin Duka pjesë e komisionit për të vendosur për projektet. Nuk janë thjesht stadiume, por pole për qytetet tona, që do të kenë jetë 24 orë në shtatë ditë të javës: jetë jo vetëm sportive, por edhe sociale, kulturore dhe ekonomike. Presim me padurim ndërtimin me tyre. Do të theksoja marrëveshjen e fundit me Manchester City Club, për të sjellë në Shqipëri akademinë elitare të Manchesterit, për të pasur një kampus në Shqipëri, që do t’i shërbejë gjithë rajonit", tha fillimisht Kushi.
Më pas Kushi ceku edhe finalen e Conference League në Tiranë, si edhe kualifikimin e vajzave të Vllaznisë në fazën e grupeve të Champions League.
"Këto janë vetëm disa nga nismat e ndërmarra do të kemi të tjera. Futbolli është rritur në nivel dhe këtë e tregojnë aktivitetet ndërkombëtare, si finalja e Conference League, që ndihmoi aktivitetin ekonomik dhe në imazh. Vizita e presidentit të FIFA-s, Infantino, ishte ngjarje e madhe, është tregues i këtyre zhvillimeve të futbollit. Do të veçoja kualifikimin e vajzave të Vllaznisë, një arritje e madhe që na nxit të mbështetim edhe në ekipet e tjera", tha ministrja Kushi.
Në Asamblenë e Përgjithshme fjalën e mori edhe presidenti i FSHF-së, Armand Duka. Ai ceku aplikimin e eventit të moshave për t'u zhvilluar në Shqipëri.
"Administrata e FSHF-së ka përgatitur dosjen për aplikimin për zhvillimin e një aktiviteti të rëndësishëm të moshave. Unë kam shumë besim se kandidatura jonë do të ketë sukses, sepse kemi treguar edhe me finalen e Conference League që jemi të aftë për të organizimin e ngjarjeve të mëdha", tha Duka mes të tjerash.
Federata Shqiptare e Futbollit zhvilloi këtë të premte Asamblenë e Përgjithshme të Zakonshme për vitin 2023. Pas fjalëve respektive, në votim u hodhën edhe disa nga pikat e rendit të ditës. Miratimi i pasqyrave financiare dhe kompania audituese morën miratimin e të gjithë anëtarëve, kjo sipas Armand Dukës që drejtoi punimet.
Në pamje duket qartë se presidenti i Skënderbeut, Ardjan Takaj, i ndodhur në rreshtin e parë nuk merr pjesë në votime dhe kartoni i tij ndodhet në tryezë. Megjithëse një votë kundër apo abstenim nuk prishte numrat për miratimin e pikave të ditës, Armand Duka i ka quajtur të gjitha votat pro, edhe pse një prej anëtarëve dukshëm nuk voton.
Komente
Lajme të tjera
-
Renditja/ Superliga mbyll vitin 2024, Teuta barazon pa gola me Bylisin! Tifozët numërohen me 'gishtat e një dore'
22 Dhjetor, 19:07 -
Superliga, fillon sot akti i fundit për 2024! Ndeshjet në tre ditë, dy duele kyçe
20 Dhjetor, 11:16 -
Dhunë në futbollin e femrave, Disiplina pezullon 15 ndeshje drejtoreshën e Gramshit, goditi lojtaret e Partizanit
19 Dhjetor, 18:11 -
'Klanet, korrupsioni dhe arroganca e organizatorëve!', Barrikada FC tërhiqet nga çdo garë e FSHF dhe Sunday League Albania
18 Dhjetor, 14:52 -
U plagos gjatë përleshjes ku u vra Martin Cani, FSHF i ofron fizioterapi dhe trajtim të specializuar 14-vjeçarit: Do mbulohen të gjitha shpenzimet!
18 Dhjetor, 09:57 -
Përplasje të ashpra tek Komisioni i Edukimit, Kushi: Më jep fjalën, të të vijë turp! Zhupa: As kam vjedhur, as kam qenë ministre
16 Dhjetor, 20:55 -
E konfirmojnë në Itali, Juventusi futet në garë për Cristian Shpendin! Vëzhgues në disa ndeshje
16 Dhjetor, 17:02 -
Komiteti Ekzekutiv i UEFA-s mban mbledhjen e fundit për vitin 2024, të gjitha vendimet që u morën
16 Dhjetor, 15:20 -
Evropiani U-21 mes Shqipërisë dhe Serbisë, UEFA s'e shqyrton çështjen! Burime: Është shtyrë në shkurt
16 Dhjetor, 14:07
-
Superliga/ Teuta 'i fik dritat' Egnatias, i mposht 2-1 dhe i heq mundësinë e kreut! Skënderbeut 2-2 ndaj Bylis, Dinamo kryeson pas gjysmës së sezonit
15 Dhjetor, 18:48 -
Ikin dritat në stadiumin e Durrësit, Teuta - Egnatia ndërpritet për pesë minuta
15 Dhjetor, 17:20 -
Bëma nga Kategoria e Tretë, miqtë braktisin ndeshjen dhe gjithë ekipi ndëshkohet me karton të verdhë
15 Dhjetor, 16:41
Vendimi i drejte ne arest...
Përgjigju