POP 5

Lajmet më të lexuara të 5 minutave të fundit

Kosova & Rajoni

Ashton: Përparime evidente në
raportet Beograd - Prishtinë

Pas takimit që zgjati deri në orën 3 të mëngjesit të së premtes shefja e diplomacisë së lartë tha se është analizuar progresi i deritanishëm dhe se ka progres konkret drejt normalizimit të raporteve mes Beogradit dhe Kosovës.
BRUKSEL - Kosova dhe Serbia kanë arritur një marrëveshje të pjesshme për zbatimin e marrëveshjes së 19 prillit, pas takimit të së enjtes vonë në Bruksel me ndërmjetësimin e përfaqësueses së Lartë e BE-së për Politikë të Jashtme dhe Siguri, Catherine Ashton.

Pas takimit që zgjati deri në orën 3 të mëngjesit të së premtes shefja e diplomacisë së lartë tha se është analizuar progresi i deritanishëm dhe se ka progres konkret drejt normalizimit të raporteve mes Beogradit dhe Kosovës.

“Të dy kryeministrat janë pajtuar për një varg çëshjesh të hapura, në veçanti në fushën e drejtësisë, policisë dhe zgjedhjeve të ardhshme komunale”,-ka shtuar baronesha Ashton.  Kurse nga ana e tij, kryeministri i Kosovës, Hashim Thaçi është shprehur se ka pajtueshmëri të përgjithshme për zgjedhjet komunale që do të zhvillohen në muajin shtator e në të njëjtën kohë do të ftohet edhe OSBE-ja si lehtësuese, menaxhuese dhe organizuese e këtyre zgjedhjeve.

Ndërsa delegacioni serb nuk është prononcuar pas këtij takimi. Ky takim është zhvilluar para mbledhjes të liderëve të BE-së, i caktuar më 28 qershor, për të vlerësuar nëse është arritur mjaft progres në pajtimin e palëve, në mënyrë që Serbia të marrë datën e anëtarësimit në BE dhe që Kosova të nisë negociatat për paktin e stabilizim asociimit.

Redaksia Online
(lc/by/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03