Ekspedita hapësinore shënoi ankorimin e parë manual të arritur nga astronautët kinezë me laboratorin e tyre në orbitë Tiangong-1. Procedura e komplikuar ka të bëjë me bashkimin e dy objekteve në orbitë të cilët udhëtojnë me shpejtësi mijëra kilometra në orë. Rusët dhe amerikanët e kanë kryer një operacion të tillë që në vitet ’60.
Gjithashtu për herë të parë një astronaute femër kineze fluturoi në hapësirë, ajo është 33 vjeçarja Liu Wang, majore e forcave ajrore kineze. “Ky është një tjetër kontribut i shquar nga ana e popullit kinez në përpjekjet e njerezimit për të njohur dhe përdorur hapësirën” tha nga Pekini kryeministri Wen Jiabao.
(ep/shqiptarja.com)