Një atentat me eksploziv është regjistruar në orën 13:56 të ditës së sotme në Shkozet të Durrësit. Objektivi ka qenë Aldi Mustafa, 37-vjeç, një person me precedent të theksuar kriminal, pjesë e grupit të ‘Rrumit të Shijakut’. Një sasi e vogël tritoli, e vendosur në gomën e pasme të automjetit tip Golf 6, ka shpërthyer teksa në mjet po udhëtonte i vetëm Mustafa. 37-vjeçari doli i pa lënduar nga shpërthimi ndërsa pak minuta para se të ndodhte ngjarja, la në banesë gruan me fëmijën. Zona në të cilën ka ndodhur ngjarja ka kamera të shumta sigurie të bizneseve që e cila do të bëjë të mundur mbase zbardhjen e shpejtë të ngjarjes.
Aldi Mustafa, 37 vjeçar, njihet si një person me precedentë penalë. Ai është arrestuar më 30 gusht të 2021 me dy të tjerë, pasi po planifikonin një vrasje. Aldi Mustafa, banues në Durrës, i dënuar më parë për veprat penale “Kanosja” dhe “Prodhimi dhe shitja e narkotikëve”, i dënuar më parë me 10 vite burg, në Gjermani, nuk është një emër i panjohur për policinë. Ndërkohë më 30 dhjetor të vitit të kaluar, me vendim të gjykatës i është shuar masa e arrestit me kërkesë të tij. Ai ishte dënuar me 2 vjet burgim pas arrestimit në gusht 2021 për mosbindje të urdhrit të policisë, armëmbajtje paleje dhe drejtim të parregullt të mjetit.
Mësohet se Mustafa më herët ka qenë anëtar i një bande të njohur në Durrës, ndërsa kohët e fundit ka pasur lidhje me Aleksandër Lahon i njohur si ‘Rrumi’, një personazh i përfolur në ngjarje kriminale, siç ishte dhe atentati ndaj ish-prokurorit Arjan Ndoja.
Nga policia mësohet se ekspertët xhenierë po hetojnë vendin e ngjarjes dhe po mbledhin kampionë për të përcaktuar llojin e lëndës plasëse si dhe mekanizmin e shpërthimit që u përdor sot. Nga këqyrja paraprake dyshohet se ka qenë një sasi e vogël tritoli e shpërthyer me detonator me celular. Sidoqoftë raporti i ekspertëve do ta saktësojë më mirë mekanizmin r shpërthimit dhe llojin e lëndës plasëse.
Pas shpërthimit me tritol të makinës së Aldi Mustafës, ekspertët xhenierë kanë nisur hetimin e vendit të ngjarjes dhe po mbledhin kampionë për të përcaktuar llojin e lëndës plasëse si dhe mekanizmin e shpërthimit që u përdor sot.
Nga këqyrja paraprake dyshohet se ka qenë një sasi e vogël tritoli e shpërthyer me detonator me celular. Sidoqoftë raporti i ekspertëve do ta saktësojë më mirë mekanizmin e shpërthimit dhe llojin e lëndës plasëse. Sipas policisë, fatmirësisht shpërthimi nuk ka arritur të cënojë serbatorin e makinës sepse do të flisnim për të tjera pasoja.
Aldi Mustafa, i cili ishte shënjestër e atentatit me tritol, i shpërtheu makina vetëm pak minuta pasi la në banesë gruan me fëmijën. Në momentin e shpërthimit ai ka qenë vetëm në automjet.
Aldi Mustafa ka deklaruar se nuk ka dijeni se kush i ka vënë sasisë e eksplozivit në makinë.
“Nuk e di kush e ka bërë”, mësohet të ketë thënë Mustafa.
Ndërkohë, mësohet se ai kishte 3 muaj që sapo kishte dalë nga burgu pas dënimit për armëmbajtje pa leje. Nga hetimet, rezultoi se nuk iu provua se armët që iu gjetën në makinë do t’i përdorte në një atentat të mundshëm sikurse u tha ditën që u arrestua.
Aldi Mustafa, i cili i shpëtoi atentatit me tritol në Shkozet është në komisariat duke dhënë dëshminë e tij. Mustafa, i cili njihet edhe si miku i 'Rrumit të Shijakut' nuk pësoi dëme serioze, por pati vetëm gërvishtje të lehta.
Ky është momenti i shpërthimit të makinës së Aldi Mustafës në Shkozet, pas atentatit që iu organizua ditën e sotme. Një sasi eksplozivi i ishte vendosur makinës së 37-vjeçarit në gomën e pasme të makinës. 37-vjeçari nuk ka marrë asnjë lëndim.
Report Tv sjell pamjet nga vendi i ngjarjes ku iu vendos eksploziv Aldi Mustafës 37-vjeç. Ai ka qenë duke udhëtuar i vetëm në makinës, ndërsa eksplozivi ishte vendosur në gomën e pasme të mjetit. 37-vjeçari nuk ka mbetur i lënduar, ndërsa siç shihet edhe nga pamjet që sjell Report Tv mjeti ka pësuar shumë pak dëme.
"Rreth orës 14:00, në aksin rrugor Shkozet - Durrës, në automjetin në lëvizje, që drejtohej nga shtetasi A. M., 37 vjeç (i vetëm në automjet), në gomën e pasme, në krahun e pasagjerit, dyshohet se ka shpërthyer lëndë eksplozive. Nga shpërthimi i lëndës eksplozive nuk ka persona të dëmtuar, por vetëm dëme materiale. Në vendngjarje shërbimet e Policisë dhe grupi hetimor po vijojnë punën për zbardhjen e rrethanave të kësaj ngjarjeje", njofton policia.
Aldi Mustafa, të cilit sot iu vendos një eksploziv në makinës është një emër i njohur në botën e krimit. Aldi Mustafa është arrestuar në vitin 2021 pasi kishte planifikuar atentatin e një personi.
Mustafa më herët ka qenë anëtar i një bande të njohur në Durrës prej shumë vitesh, ndërsa ka pasur lidhje me ‘Rrumin’, një personazh i njohur dhe i përfolur në ngjarje kriminale, siç ishte dhe atentati ndaj ish-prokurorit Arjan Ndoja. Mustafa është shok i Alekasandër Lahos, ose ndryshe Pëllumb Muharremit, i njohur si i ‘Forti i Shijakut’, i cili i shpëtoi atentatit që iu bë makinës së ish-prokurorit. Gjithashtu, Mustafa ka qenë i dënuar i dënuar me 10 vit burg në Gjermani për kanosje dhe drogë.
Në gusht të vitit 2021 ai u arrestua bashkë me dy persona të tjerë të cilët ishte të armatosur dhe dyshohet se kishin planifikuar atentat ndaj një personi. Asokohe ai u arrestua bashkë me Uran Zykën dhe Tahir Gjinikën. Në mjetin e tyre policia gjeti 3 pistoleta me fishekë në fole dhe 1 mitraloz me fishekë në fole, gati për qitje, municion luftarak, 2 laptopë, 9 telefona celularë dhe 1600 euro. Shoferi i makinës ka qenë Aldi Mustafa.
Komente
Lajme të tjera
-
Nesër sondazhi i fundvitit në Report Tv/ Si ndahen mandatet në 5 qarqet më të rëndësishme! Çfarë mendojnë shqiptarët për mbylljen e TikTok-ut
24 Dhjetor, 13:12 -
Porti i Durrësit, rinis udhëtimi i trageteve
24 Dhjetor, 13:08 -
Moti i keq në Durrës, ishte ankoruar në portin e peshkimit, fundoset peshkarexha ‘Gimi dhe Geri’
23 Dhjetor, 14:40 -
Moti i keq/ Pezullohet lundrimi i trageteve Durrës-Bari e anasjelltas, në Vlorë trageti mbetet në radë! Rruga e Arbrit e pakalueshme
23 Dhjetor, 13:45 -
VIDEOLAJM/ Dy tragete përplasen në kalatën e portit të Durrësit, shkak moti i keq! S'ka të plagosur
23 Dhjetor, 13:01 -
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Krujë/ U denoncua i zhdukur nga familjarët, gjendet pas 23 ditësh pa jetë 57-vjeçari Edmond Veseli
22 Dhjetor, 16:08
-
Nata e ndërrimit të viteve në Durrës, bullgarët e polakët kryesojnë rezervimet në hotele! Operatori turistik: Çmimet u rritën me 10%
21 Dhjetor, 11:37
-
Dy aksidente me vdekje në Durrës e Librazhd, dy të rinjtë humbin jetën pas përplasjeve me kamionët (VIDEO)
21 Dhjetor, 07:09 -
Vranë babanë dhe e groposën në kasolle, Prokuroria e Durrësit mbyll hetimet dhe dërgon për gjykim dosjen për 3 fëmijët
20 Dhjetor, 15:42
-
Do grabisnin dhe do vrisnin dhëndrin e Qazim Sejdinit më 2020, GJKKO dënon me 27 vite burg 3 persona! Përfitojnë nga gjykimi i shkurtuar (EMRAT)
20 Dhjetor, 13:40 -
Emigrantët kthehen në shtëpi për festa, nisin lundrimet e dyfishta të trageteve! Kapiteni i Portit të Durrësit: Rreth 6 mijë pasagjerë çdo ditë, 10 % më shumë se vjet
19 Dhjetor, 14:17
Ishalla qerohen ca
PërgjigjuKot e krueve me ne o Rrumpall
Përgjigjuo nari a ka naj lajm t mir per cunat mren re ...?
Makina qe po parakalonte u demtu nojcik?
Përgjigju