Memaliaj-Dy persona duke udhëtuar me makinë  në aksin rrugor Buz- Memaliaj, të fshatin Xhafaj janë qëlluar me armë zjarri  nga një  person i paidentifikuar dhe për pasojë është plagosur njëri prej personave që ishte në makinë.Sipas policisë personat që po udhëtonin  me një makinë tip “Ford” janë D.H dhe D.M, të dy banues në Memaliaj.

Nga plagët e marra është dërguar në spital  D.M, 25 vjeç, i cili sipas të dhënave paraprake është jashtë rrezikut për jetën falë ndërhyrjes së mjekëve.

 

Policia vijon punën për identifikimin dhe kapjen e autorit që ka shtënë me armë ndaj personave të lartpërmendur.

Njoftimi i plotë i policisë së Memaliajt për këtë ngjarje:

Memaliaj.

Informacion paraprak.

Njoftohemi se në aksin rrugor rural Buz- Memaliaj, në fshatin Xhafaj, bashkia Memaliaj, shtetasit D.H dhe D.M, të dy banues në Memaliaj duke udhëtuar me mjetin tip ford me targa AA275EH janë qëlluar nga një person i paidentifikuar me armë, ku si pasojë ka mbetur i plagosur shtetasi D.M, rreth 25 vjeç, i cili është shoqëruar në spitalin e Fierit dhe ndodhet jashtë rrezikut për jetën.

Në vendngjarje kanë shkuar shërbimet e policisë ku po bëhet krehja e zonës për kapjen e autorit.

Redaksia Online
N.M/Shqiptarja.com