Atentati me 3 viktima në Memaliaj, vëllai i Marsel Çelës paralajmëron vetëgjyqësi: Të gjenden autorët që e vranë padrejtësisht

Marsel Çela

“Thikë pas shpine” e konsideron vëllai i Marsel Çelës vrasjen në lokalin ku 47-vjeçari po konsumonte një pije mbrëmjen e kaluar në Memaliaj.

I dërrmuar nga humbja e njeriut të tij të dashur, ai kërkon kapjen e autorëve dhe vënien e drejtësisë për ekzekutimin e 47-vjeçarit.

“Vëllai im është i pafajshëm. Doli të pinte kafe. Shikonte punën e tij. Punonte në Vlorë. La pas dy prindër të moshuar e të sëmurë. Shteti të verë dore. Të gjejë një orë e më parë autorët”.

Për Top Channel, vëllai i 47-vjeçarit paralajmëroi vetëdrejtësi, nëse autorët nuk kapen.

“Po nuk i gjeti, do na detyrojë të vemë një shirit në krah e ta zgjidhim vetë. Flasim për dy jetë të pafajshme. As kamarieri s’ka asnjë faj. Punonte për bukën e gojës”.

Lajmi kryesor:

Atentat me tre të vrarë në Memaliaj/ Ekzekutohet babai i Andrea Kalemit, i plagosin xhaxhanë! Vritet klienti e kamarieri i lokalit! Dyshohet hakmarrje ndaj të birit (VIDEO)

SI.E./Shqiptarja.com

TAG:
• Gjirokaster
• memaliaj
• andrea kalemi
• mallakaster
• Shyqyri Kalemi
• Gledio Muka
• Marsel Cela
• Artur Kalemi
• edmond papa
• aleksander sadikaj
• atentat i trefishte ne memaliaj