POP 5

Lajmet më të lexuara të 5 minutave të fundit

Kronikë

Atentati në Rrugën e Kavajës
 Ja ku nisi konflikti me armë

Një konflikt pronësie dyshohet të jetë bërë shkak për përleshjen e armatosur mbrëmjen e së hënës në kryeqytet, ku mbeti i vrarë Artur Baze. A1 Report sjell pamjet e lokalit ku ndodhi shkëmbimi i parë i zjarrit, e ku Baze i njohur edhe me emrin Arianit Sterio plagosi me pistoletë Pajtim Serjanin.  VIDEO
TIRANE – Një konflikt pronësie dyshohet të jetë bërë shkak për përleshjen e armatosur mbrëmjen e së hënës në kryeqytet, ku mbeti i vrarë Artur Baze.

A1 Report sjell pamjet e lokalit ku ndodhi shkëmbimi i parë i zjarrit, e ku Baze i njohur edhe me emrin Arianit Sterio plagosi me pistoletë Pajtim Serjanin. Bëhet fjalë për lokalin “Vila 1928” në Rrugën e Kavajës, i cili ende nuk është hapur për qytetarët, ndërsa në momentin e sulmit me armë në të ndodheshin Serjani, Denis Ramani, Ditmir Reçi dhe efektivi i policisë Roland Meta, të katër këta, persona të shenjestruar për tu vrarë nga Artur Baze.

vila

Ambienti i përleshjes është ende një skenë krimi në ruajtjen  e policisë ndërsa grupi hetimor ka sekuestruar pamjet filmike të kamerave të sigurisë përreth vendit të krimit dhe të vetë lokalit ende të pahapur.

vila 1928

Po ashtu, janë shoqëruar 10 persona në cilësinë e dëshmitarëve, mes tyre dy personat e pranishëm në lokal që i shpëtuan plumbave, Denis Ramani dhe Ditmir Reci.
I plagosur Pajtim Serjani, njihet si i afërt i Emiljanio Shullazit, një emër i njohur ky për drejtësinë shqiptare, i cili po mbrëmjen e së hënës  ra pre e një atentati në Qafë-Kashar.

vila 1928

Shullazi bashkë me të plagosurin e dytë në këtë atentat. Mikun e tij Gilmando Dani, ndodhen nën ruajtjen e policisë pas mjekimit të marrë në Spitalin e Traumës. Aktualisht hetimet për të dy ngjarjet mbeten të hapur,a ndërsa dyshimet e grupit hetimor janë se ato lidhen me njëra tjetrën për shkak të provave të sekuestruara në dy skenat e krimit dhe njohjeve mes të përfshirëve.

vila 1928

Redaksia Online
(Shqiptarja.com)
 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Spanjë/ Kapet gomonia me sasi të madhe kokaine, arrestohen 7 shqiptarë

Spanjë/ Kapet gomonia me sasi të madhe kokaine, arrestohen 7 shqiptarë

15 Janar, 21:46